DEUTERONOMY 8:7 - Edisana ñwed Abasi Ibom

⁷ Koro Jehovah Abasi fo ke ada fi aka ndiduk ke eti isɔŋ, isɔŋ akpa, ye eke idim, ye edituŋɔ obube emi etode ke mme itihere ye ke ikpɔ obot:

DEUTERONOMY 8:7 ပူးပေါင်းရင်းမြစ်များ

GENESIS 49:11

enye. Ke eyiri ass esie ke vine, ye eyen ass esie ke eti vine; ke eyet edisine-ŋkpɔ esie ke wine, ye ɔfɔŋ-idem esie ke iyip etuek vine.

2 NDIDEM 18:32

tutu ami ndi ndida mbufo nnyɔŋ ke isɔŋ emi ebietde isɔŋ mbufo, kpa isɔŋ ibokpot, ye eke wine, isɔŋ uyo ye eke iŋwaŋ-vine, isɔŋ aran-olive ye eke aran-ɔkwɔk, man mbufo edu uwem, ekukpaŋa: mbufo ekukop, ndien, uyo Hezekiah, ke ini enye atapde mbufo, ete, Jehovah eyenyaŋa nnyin.

ŊWED MME PSALM 104:10

Enye anam idim ewet ke itihere, mmɔ esaŋa ke otu ikpɔ obot.

ŊWED MME PSALM 106:24

Mmɔ enyuŋ ese ediye isɔŋ oro ke ndek, inyuŋ inimke uyo esie ke akpanikɔ.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ISAIAH 36:17

tutu ami ndi ndida mbufo ŋka isɔŋ eke ebietde isɔŋ mbufo, isɔŋ ibokpot ye wine, isɔŋ udia ye eke iŋwaŋ vine.

ISAIAH 5:1

YAK nda ndien ikwɔ ufan mi eke abaŋade iŋwaŋ-vine esie, ŋkwɔ nnɔ ufan mi. Ufan mi ekenyene iŋwaŋ-vine ke obot mbiri.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

EZEKIEL 17:5

Enye onyuŋ ada ndusuk mkpasip isɔŋ ɔkɔtɔ enye ke iŋwaŋ mkpasip; ada aka ke mben akwa mmɔŋ, ɔtɔ enye nte willow.

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

DEUTERONOMY 8:6

Nyuŋ tiŋ enyin ke mme ewuhɔ Jehovah Abasi fo, ke ndisaŋa ke usuŋ esie, nnyuŋ mbak enye.

DEUTERONOMY 8:8

isɔŋ wheat, ye eke barley, ye eke vine, ye eke eto fig, ye eke pomegranate; isɔŋ aran olive, ye eke aran-ɔkwɔk;

JUDGES 18:10

Adaŋemi mbufo ekade, eyesim mbio ndue-idem, isɔŋ onyuŋ okpon ke edem kpukpru: koro Abasi adade enye esin mbufo ke ubɔk; ebiet emi baba ŋkpɔ kiet eke odude ke edem emi minanake.