DEUTERONOMY 8:3 - Edisana ñwed Abasi Ibom

³ Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

DEUTERONOMY 8:3 ပူးပေါင်းရင်းမြစ်များ

ŊWED MME PSALM 105:40

Mmɔ ebeŋe, ndien enye ada nduduɔk edi, onyuŋ ɔnɔ mmɔ udia heaven eyuhɔ.

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

MATTHEW 4:4

Edi Jesus ɔbɔrɔ ete, Ema ewet ete, Idige uyo ikpɔŋ ke owo edida idu uwem, edi edida kpukpru ikɔ eke ewɔrɔde Abasi ke inua odu.

LUKE 4:4

Ndien Jesus ɔbɔrɔ enye ete, Ema ewet ete, idige uyo ikpɔŋ ke owo edida odu uwem.

1 ŊWED CORINTH 10:3

kpukpru enyuŋ edia oruk udia eke spirit kiet, enyuŋ eŋwɔŋ ediŋwɔŋkpɔ eke spirit kiet;

DEUTERONOMY 29:5

Mma nnyuŋ nda mbufo usuŋ ke wilderness ke isua aba: edisine-ŋkpɔ mbufo ikatahake mbufo ke idem, ikpa-ukot fo ikonyuŋ itahake fi ke ukot.

DEUTERONOMY 29:6

Mbufo iketaha uyo, ikonyuŋ iŋwɔŋke wine ye mmin: man mbufo efiɔk ete ke ami ndi Jehovah Abasi mbufo.

DEUTERONOMY 32:47

Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

DEUTERONOMY 9:9

Ke adaŋemi ŋkɔdɔkde obot ŋka ndibɔ itiat-ŋwed ediomi emi Jehovah odiomide ye mbufo, ntie ke obot ke ofuri uwemeyo aba ye okoneyo aba, ndiaha udia, nnyuŋ ŋŋwɔŋke mmɔŋ,