DEUTERONOMY 8:2 - Edisana ñwed Abasi Ibom

² Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

DEUTERONOMY 8:2 ပူးပေါင်းရင်းမြစ်များ

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

2 CHRONICLES 32:31

Edi ke ikɔ mme isuŋutom mbɔŋ Babylon oro ekedɔŋde ekebup ŋkpɔ ndyɔ oro ekenamde ke isɔŋ, Abasi, ɔkpɔŋ enye, ete idomo ifiɔk kpukpru se idude enye ke esit.

2 CHRONICLES 33:12

Ndien ke nnanenyin esie, enye ekpe Jehovah Abasi esie ubɔk, onyuŋ osuk idem esie eti-eti ke iso Jehovah Abasi mme ete esie,

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

NEHEMIAH 9:19

ndien akwa mbɔm fo iyakke fi ɔkpɔŋ mmɔ ke wilderness: adaha obubit enyɔŋ idorokede ikpɔŋ mmɔ ke uwemeyo, itre ndida mmɔ usuŋ; adaha ikaŋ inyuŋ idorokede ke okoneyo itre ndiŋwaŋa usuŋ eke mmɔ esaŋade ke esit nnɔ mmɔ.

ŊWED JOB 33:17

Man enye akabare owo ke idiɔk ido esie efep, onyuŋ odip owo iseri.

ŊWED MME PSALM 103:2

O ukpɔŋ mi, kɔm Jehovah, kunyuŋ ufre kpukpru nti enɔ esie:

ŊWED MME PSALM 106:7

Mme ete nnyin ke Egypt iketimke ikere mme utibe ŋkpɔ fo; mmɔ itihi uwak ŋkpɔ ima fo; edi esɔŋ ibuot ke inyaŋ, kpa Ididuot Inyaŋ.

ŊWED MME PSALM 136:16

(Ekɔm) enye emi akadade ikɔt esie usuŋ ke wilderness: koro ima esie odude ke nsinsi.

ŊWED MME PSALM 77:11

Nyetaŋ ese Jehovah: koro nyeti mme utibe ŋkpɔ fo ke eset.

ŊWED MME PSALM 81:7

Afo ekeseme ke itie ukut, ndien mbabare fi: ntie ke itie udibe obuma nyere fi: Ndomo fi ke ɔtɔ mmɔŋ Meribah. [Selah.]

EXODUS 15:25

Nnyin idiŋwɔŋ nso? Ndien enye eseme ɔnɔ Jehovah; ndien Jehovah owut enye eto kiet; ndien enye ada eto oro ɔduɔk ke mmɔŋ oro, ndien mmɔŋ oro akabare enem: do ke Enye ɔnɔ enye ewuhɔ ye item, onyuŋ odomo enye do;

EXODUS 16:35

Ndien nditɔ Israel edia manna oro ke ofuri isua aba, tutu mmɔ esim ke isɔŋ eke owo eduŋde: mmɔ edia manna oro tutu osim ke adaŋa isɔŋ Canaan.

EXODUS 16:4

Ndien Jehovah ɔdɔhɔ Moses ete, Sese ami mmɔŋ nnam udia oto ke enyɔŋ edep ɔnɔ mbufo; ndien yak kpukpru owo ewɔŋɔ kpukpru usen, ekewobi se ikemde ke usen oro, man ndomo mmɔ, mme mmɔ eyesaŋa ke mbet mi, mme idisaŋake.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

EZEKIEL 20:19

Ami Jehovah ndi Abasi mbufo; mbufo esaŋa ke mme ewuhɔ mi, enyuŋ enim mme item mi, enyuŋ enam mmɔ;

AMOS 2:10

Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

NUMBERS 14:33

Ndien nditɔ mbufo eyediyo ke wilderness ke isua aba, eyenyuŋ esio isop use mbufo, tutu mme okpo mbufo ebu ke wilderness.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

DEUTERONOMY 1:3

Edikem ke ɔyɔhɔ isua aba, ke ɔyɔhɔ ɔfiɔŋ duopekiet, ke akpa usen ɔfiɔŋ, Moses ɔdɔhɔ nditɔ Israel, nte ekemde ye kpukpru se Jehovah eketemede enye abaŋa mmɔ;

DEUTERONOMY 1:33

emi ekebemde mbufo iso aka usuŋ, man enye oyom ebiet nna ɔnɔ mbufo, ke ikaŋ ke okoneyo, ete iwut mbufo usuŋ eke mbufo ekpesaŋade ke esit, ye ke obubit enyɔŋ ke uwemeyo.

DEUTERONOMY 13:3

kukop mme ikɔ prophet oro, mme eke adaba ndap oro: koro Jehovah Abasi mbufo ododomo mbufo, ete ifiɔk mme mbufo emema Jehovah Abasi mbufo ke ofuri esit mbufo, ye ke ofuri ukpɔŋ mbufo.

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

DEUTERONOMY 29:5

Mma nnyuŋ nda mbufo usuŋ ke wilderness ke isua aba: edisine-ŋkpɔ mbufo ikatahake mbufo ke idem, ikpa-ukot fo ikonyuŋ itahake fi ke ukot.

DEUTERONOMY 32:7

Ti mme usen eset, mbufo ekere isua eyo oko: bup usɔ, ndien enye eyetiŋ ɔnɔ fi; bup mbiowo fo, ndien mmɔ eyedɔhɔ fi.

DEUTERONOMY 7:18

Kufehe mmɔ: tim ti se Jehovah Abasi fo akanamde Pharaoh, ye ofuri Egypt;

DEUTERONOMY 8:16

emi adade manna emi mme usɔ mikɔfiɔkke, ɔbɔk fi ke wilderness, man enye ɔsuhɔre fi onim, onyuŋ odomo fi, ete ifɔn ye afo ke utit fo;

JAMES 1:3

ke efiɔkde ete mbuɔtidem mbufo emi ema edomo ewut anam ime ɔwɔrɔ.

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

JUDGES 2:22

man nda mɔ ndomo Israel, mme mmɔ eyekpeme usuŋ Jehovah, enyuŋ esaŋa ke esit, kpa nte mme ete mmɔ ekekpemede, mme idinamke.

JUDGES 3:4

Ndien mmɔ edi se edade edomo nditɔ Israel, man efiɔk mme eyenim ibet Jehovah, emi enye eketemede mme ete mmɔ ke ubɔk Moses.