DEUTERONOMY 7:6 - Edisana ñwed Abasi Ibom

⁶ Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

DEUTERONOMY 7:6 ပူးပေါင်းရင်းမြစ်များ

1 NDIDEM 3:8

Owo fo onyuŋ odu ke otu ikɔt fo emi afo ekemekde, kpa ekese owo, emi uwak mmɔ miyakke owo odomo,

EZRA 9:2

Koro mmɔ edade nditɔ-iban mmɔ enɔ idem mmɔ ye nditɔ-iren mmɔ edɔ: ema enyuŋ ebuak edisana mbon ye mbon mme idut: ndien ubɔk mbɔŋ ye eke mme ebierikpe edi etubom ke idiɔk ido emi.

ŊWED MME PSALM 114:2

Judah akabare edi edisana ebiet esie, Israel akabare edi se enye akarade.

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

ŊWED MME PSALM 50:5

“Mbufo ebon ikɔt ima mi enɔ mi, kpa mmɔ eke ekedade uwa ediomi ediomi ye ami.”

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ISAIAH 41:9

afo emi ŋkadade ke mme utit ererimbot, nnyuŋ ŋkotde fi ke ŋkaŋ esie edi, nnyuŋ ndɔhɔ fi, nte, Afo edi owo mi, mmemek fi, nnyuŋ nsuaha fi:

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

EZEKIEL 20:5

nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Ke usen oro ŋkemekde Israel, nnyuŋ mmenerede ubɔk mi nnɔ ubon ufɔk Jacob, nnyuŋ nyak mmɔ efiɔk mi ke isɔŋ Egypt, nnyuŋ mmenere ubɔk mi nnɔ mmɔ, nte, “Ami ndi Jehovah Abasi mbufo;”

LEVITICUS 20:24

Ŋkonyuŋ ndɔhɔ mbufo, nte mbufo eyeda isɔŋ mmɔ enyene, ami nyenyuŋ nda enye nnɔ mbufo enyene, isɔŋ emi ɔfiɔrɔde mmɔŋ-eba ye aran-ɔkwɔk: ami ndi Jehovah Abasi mbufo, emi ndianarede mbufo ke mme idut efen.

LEVITICUS 20:26

Ndien mbufo edidi edisana ikɔt mi: koro ami Jehovah ndide edisana, nyenyuŋ ndianare mbufo ye mme idut efen, man mbufo edi okim.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

UTOM MME APOSTLE 13:17

Mbio Israel, ye mbufo emi ebakde Abasi, ekop. Abasi mbio Israel emi ekemek mme ete nnyin, onyuŋ ofori mbio emi ke ini mmɔ edide nte isen ke isɔŋ Egypt, onyuŋ ada edimenere ubɔk emen mmɔ ɔwɔrɔ ke esit.

ŊWED MBON ROME 9:4

emi edide nditɔ Israel; ekeda mmɔ esin ke ubon Abasi; uyama ubɔŋ (Abasi), ye mme ediomi, ye erinɔ ibet, ye eriwa uwa nnɔ Abasi, ye mme uŋwɔŋɔ enyuŋ enyene mmɔ: mme ete enyuŋ edi eke mmɔ:

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

DEUTERONOMY 14:21

Mbufo ekuta baba unam kiet eke akpade ikpɔŋ: da enye nɔ esen owo emi odude ke obio fo, ete ata enye; midige, men enye nyam nɔ eyen idut efen: koro afo edide edisana ikɔt Jehovah Abasi fo. Kutem eyen ebot ke mmɔŋ-eba eka esie.

DEUTERONOMY 26:18

Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

DEUTERONOMY 28:9

Jehovah eyenim fi ke edisana ikɔt esiemɔ, kpa nte enye ɔkɔŋwɔŋɔde ɔnɔ fi, edieke afo edinimde mbet Jehovah, kpa nte enye ɔkɔŋwɔŋɔde ɔnɔ fi, edieke afo onyuŋ asaŋade ke usuŋ esie.

DEUTERONOMY 33:3

Ŋkɔm enye amama mme idut; edisana ikɔt esie edu fi ke ubɔk: mmɔ enyuŋ esuhɔre etie fi ke ukot; mmɔ eyebɔ ikɔ fo.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

DEUTERONOMY 4:37

Ndien oto koro enye akamade mme usɔ, mmɔde enye emekde nditɔ mmɔ emi etienede mmɔ ke edem, onyuŋ adade akwa odudu esie osio fi ke Egypt ke iso esiemɔ:

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.