DEUTERONOMY 7:26 - Edisana ñwed Abasi Ibom

²⁶ Kunyuŋ uda ŋkpɔ mbubiam uduk ke ufɔk fo, mbak afo edikabare edi ŋkpɔ nsobo ebiet enye: kam sasua enye, nyuŋ bat enye ke ŋkpɔ mbubiam: koro enye edide ŋkpɔ nsobo.

DEUTERONOMY 7:26 ပူးပေါင်းရင်းမြစ်များ

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

ISAIAH 41:24

Sese, mbufo edi ikpikpu, utom mbufo onyuŋ ekpri akan ikpikpu: enye emi edimekde mbufo edi mbubiam.

EZEKIEL 11:18

Ndien mmɔ eyesim ko, eyenyuŋ esioŋo kpukpru ŋkpɔ ndek esie, ye kpukpru mbubiam esie efep ke esit.

EZEKIEL 14:7

Koro kpukpru owo ufɔk Israel, ye eke isen owo emi edidaŋde ke Israel, eke edianarade ye ami, enyuŋ emende ibɔk mmɔ ewuk ke esit mmɔ, enyuŋ enimde ŋkpɔ iduɔ idiɔk ido mmɔ ke iso mmɔ ndien edi ke ɔtɔ prophet, ete ibup enye ŋkpɔ ibaŋa mi; ami Jehovah nyebɔrɔ enye mbaŋa idem mi;

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

ZECHARIAH 5:4

nte enye asaŋade. Jehovah mme udim ɔdɔhɔ ete, Nyeda enye ŋwɔrɔ, ndien enye eyeduk ke ufɔk inɔ, ye ke ufɔk owo eke otomode nsu-nsu ke enyiŋ mi: ndien enye eyeduŋ ke ufɔt ufɔk esie, onyuŋ osobo ufɔk ye eto esie, ye itiat esie.

ŊWED MBON ROME 2:22

afo emi ɔdɔhɔde ete owo okusin efibe, nte emesin efibe? afo emi abatde ndem ke mbubiam, nte omowo ŋwo ke mme temple?

DEUTERONOMY 13:16

Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 13:18

ke ini afo okopde uyo Jehovah Abasi fo, onyuŋ onimde kpukpru mbet esie emi ami ntemede fi mfin emi, ke anam se inende ke enyin Jehovah Abasi fo.