DEUTERONOMY 7:24 - Edisana ñwed Abasi Ibom

²⁴ Enye eyenyuŋ emen mbɔŋ mmɔ esin fi ke ubɔk, ndien afo eyesobo enyiŋ mmɔ efep ke idak enyɔŋ: baba owo kiet idikemeke ndida fi ke iso, tutu afo asuan mmɔ.

DEUTERONOMY 7:24 ပူးပေါင်းရင်းမြစ်များ

ŊWED MME PSALM 9:5

Afo amaduari mme idut, omosobo mme idiɔk, ɔmɔsɔhi enyiŋ mmɔ efep ke nsinsi-nsinsi.

EXODUS 17:14

Ndien Jehovah ɔdɔhɔ Moses ete, Wet emi ke ŋwed ke ŋkpɔ eriti, nyuŋ sin Joshua ke utɔŋ: koro mmenditreke ndisɔhi enyiŋ Amalek mfep ke idak enyɔŋ.

MME ŊKE 10:7

Ke ini etide eti owo, eyetoro enye: edi enyiŋ mme idiɔk owo eyebu.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

ZEPHANIAH 1:4

Nyenyuŋ nnyan ubɔk mi ndori Judah ke idem, ye kpukpru mme andiduŋ Jerusalem; nnyuŋ nsibe ikɔt Baal emi esuhɔde mfep ke ebiet emi, ŋkɔrɔ ye enyiŋ mme Chemarim ye mme oku;

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

1 ŊWED CORINTH 15:57

edi yak ekɔm enyene Abasi, emi ɔnɔde nnyin erikan, oto ke Ɔbɔŋ nnyin Jesus Christ.

DEUTERONOMY 11:25

Baba ofuri owo kiet idikemeke ndida ke iso mbufo: Jehovah Abasi mbufo eyenam kpukpru mme idut emi mbufo edisaŋade ke esit, ebak mbufo, enyuŋ edikhe mbufo, kpa nte enye ɔkɔdɔhɔde mbufo.

DEUTERONOMY 25:19

Ama ekem, ndien, ke ini Jehovah Abasi fo edinamde fi ɔbɔhɔ kpukpru mme asua fo emi ekande ekuk, ɔnɔ fi nduɔk-odudu, ke isɔŋ emi Jehovah Abasi fo ɔnɔde fi ke udeme, ete ada enye enyene, sɔhi Amalek fep ke idak ikpa-enyɔŋ, man ekuti aba enye; kufre.

DEUTERONOMY 29:20

Jehovah idinyimeke ndidahado nnɔ enye: koro iyaresit Jehovah ye ufup esie eyebubere nsuŋikaŋ enam owo oro, ndien kpukpru mme idiɔk-ŋkpɔ emi ewetde ke ŋwed emi eyebiomo enye ke idem, Jehovah eyenyuŋ ɔsɔhi enyiŋ esie efep ke idak enyɔŋ.

DEUTERONOMY 9:14

yak mi man nsobo mmɔ, nnyuŋ nsɔhi enyiŋ mmɔ ke idak enyɔŋ mfep: ndien nyenam fi akabare edi idut eke ɔsɔŋde onyuŋ awakde akan mmɔ.

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

JOSHUA 10:23

Ndien mmɔ enam ntre, enyuŋ esio mbɔŋ ition oro ke aba eda esɔk enye: kpa ɔbɔŋ Jerusalem, ye ɔbɔŋ Hebron, ye ɔbɔŋ Jarmuth, ye ɔbɔŋ Lachish, ye ɔbɔŋ Eglon.

JOSHUA 10:40

Ntem ke Joshua akan ofuri edem ikpɔ obot, ye eke usuk, ye eke una-isɔŋ edem inyaŋ, ye eke mme usuhɔre, ye kpukpru mbɔŋ mmɔ: enye isuhɔke baba nsuhɔ kiet, edi osobo kpukpru se iduɔkde ibifik, kpa nte Jehovah Abasi Israel okowukde.

JOSHUA 10:42

Ntre ke Joshua ada kpukpru mbɔŋ emi ye isɔŋ mmɔ ini kiet: koro Jehovah Abasi Israel aŋwanade ekɔŋ ɔnɔ Israel.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

JOSHUA 11:17

ɔtɔŋɔde ke obot Halak (Ibɔ) emi ɔdɔkde aka Seir, tutu osim Baal-gad ke itihere Lebanon ke ukot obot Hermon: enye onyuŋ omum kpukpru mbɔŋ mmɔ, onyuŋ ɔtɔ mmɔ owot.

JOSHUA 12:24

ɔbɔŋ Tirzah, kiet; kpukpru mbɔŋ oro edi edip ye duopekiet.

JOSHUA 21:44

Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

JOSHUA 23:3

mbufo ema enyuŋ ekut kpukpru se Jehovah Abasi mbufo akanamde ye kpukpru mme idut emi ke iso mbufo: koro edi Jehovah Abasi mbufo akaŋwana ekɔŋ ɔnɔ mbufo.

JOSHUA 23:9

ndien Jehovah ama okosio ikpɔ ye mkpɔsɔŋ mme idut ke iso mbufo efep ndien ama edi mbufo, owo ndomo kiet ikadaha ke iso mbufo tutu osim mfin emi.

JOSHUA 6:2

Ndien Jehovah ɔdɔhɔ Joshua, ete, Sese, nda Jericho, ye ɔbɔŋ esie, mbon uko oro, nsin fi ke ubɔk.