DEUTERONOMY 7:2 - Edisana ñwed Abasi Ibom

² ndien adaŋemi Jehovah Abasi fo edidade mmɔ onim ke iso fo; afo onyuŋ akan mmɔ, kutre ndisobo mmɔ; kunam ediomi ye mmɔ, kunyuŋ utua mmɔ mbɔm:

DEUTERONOMY 7:2 ပူးပေါင်းရင်းမြစ်များ

GENESIS 14:20

enyuŋ etoro Abasi Ibom, emi adade mme asua fo, esin fi ke ubɔk. Ndien enye osio ubak kpukpru ŋkpɔ kiet kiet ke itie duop ɔnɔ enye.

2 SAMUEL 21:2

Ekem edidem okot mme Gibeonite, onyuŋ ɔdɔhɔ mmɔ; (edi mme Gibeonite idige nditɔ Israel, edi mmɔ eto ke mme Amorite eke esuhɔde; nditɔ Israel ekenyuŋ eŋwɔŋɔ enɔ mmɔ: ndien Saul okoyom usuŋ nte owotde mmɔ, ke ufup esie emi enye ofibede ɔnɔ nditɔ Israel ye Judah:)

1 NDIDEM 20:34

Ndien enye (Benhadad) ɔdɔhɔ enye, ete, Nyeyak mme obio oro ete mi ɔkɔbɔde usɔ; afo eyenyuŋ anam efak ɔnɔ idemfo ke Damascus, kpa nte ete mi akanamde ke Samaria. Ndien enye (Ahab) ɔdɔhɔ ete, Ami ŋko nyediomi ediomi ntem nsana fi nyak Ndien enye odiomi ediomi ye enye, onyuŋ asana enye ayak.

EZRA 10:3

Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

ŊWED MME PSALM 106:34

Mmɔ isoboke mme idut oro Jehovah ɔkɔdɔhɔde mmɔ.

EXODUS 22:20

Yak esobo owo eke awade uwa ɔnɔ ndem, ke mibɔhɔke Jehovah ikpɔŋ-ikpɔŋ.

NUMBERS 21:2

Ndien Israel ekaŋa akaŋa enɔ Jehovah, ete, Afo ama ayak mme mmɔ emi esin mi ke ubɔk, nyesɔhi mme obio mmɔ mfep.

NUMBERS 31:17

Mbufo ewot, ndien kpukpru iren owo ke otu nditɔwɔŋ, enyuŋ ewot kpukpru iban emi efiɔkde owo, ke eridaŋ ye eren-owo.

NUMBERS 33:52

ndien mbufo ebin kpukpru mme andiduŋ isɔŋ ke iso mbufo efep, enyuŋ ebiat kpukpru owo itiat mmɔ, enyuŋ ebiat kpukpru editara mbiet mmɔ, enyuŋ ewuri kpukpru edikoŋ ebiet mmɔ.

DEUTERONOMY 13:8

kunyime unɔ enye, kunyuŋ ukop uyo esie; enyin fo okunyuŋ atua enye: edi kutre enye ndiwot;

DEUTERONOMY 13:9

yak edi ubɔk fo ebem iso odoro enye, onyuŋ owot enye, ndien ubɔk kpukpru owo editiene.

DEUTERONOMY 19:13

Enyin fo okutua enye mbɔm, edi sio iyip owo eke miduehe isop fep ke Israel man ɔfɔn fi.

DEUTERONOMY 2:33

Ndien Jehovah Abasi nnyin ada enye onim ke iso nnyin; ndien nnyin isuan enye, ye nditɔ esie, ye ofuri ikɔt esie.

DEUTERONOMY 2:34

Nnyin inyuŋ ida kpukpru obio esie ke ini oro, inyuŋ isobo kpukpru obio, ye iren owo, ye iban, ye nditɔwɔŋ; isuhɔke baba nsuhɔ:

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

DEUTERONOMY 25:12

sibe enye ubɔk fep, enyin fo okutua enye mbɔm.

DEUTERONOMY 3:3

Ndien Jehovah Abasi nnyin onyuŋ ada Og ɔbɔŋ Bashan, ye ofuri ikɔt esie, esin nnyin ke ubɔk: ndien nnyin isuan enye, tutu isuhɔke baba nsuhɔ inɔ enye.

DEUTERONOMY 31:5

Jehovah eyenyuŋ ada mmɔ onim ke iso mbufo, man mbufo enam mmɔ nte kpukpru mme ewuhɔ emi ŋwukde mbufo, esaŋade.

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

JOSHUA 10:28

Ndien Joshua ada Makkedah ke usen oro, enyuŋ osobo enye ke iso ofut, ndien enye owot ɔbɔŋ mmɔ, kpa mmɔ, ye kpukpru owo emi edude ke esit; enye isuhɔke baba kiet; ntre ke enye anam ɔbɔŋ Makkedah kpa nte akanamde ɔbɔŋ Jericho.

JOSHUA 10:30

ndien Jehovah ada enye ŋko, ye ɔbɔŋ esie, esin Israel ke ubɔk; ndien mmɔ eda iso ofut esobo enye, ye kpukpru owo emi edude ke esit: mmɔ isuhɔke baba nsuhɔ ke esit: edi enam ɔbɔŋ mmɔ kpa nte ekenamde ɔbɔŋ Jericho.

JOSHUA 10:32

ndien Jehovah ada Lachish esin Israael ke ubɔk, ndien mmɔ eda enye ke udiana-akpa usen, enyuŋ eda iso ofut ebiat enye ye kpukpru owo emi edude ke esit, kpa nte ekenamde kpukpru ŋkpɔ ye Libnah.

JOSHUA 10:40

Ntem ke Joshua akan ofuri edem ikpɔ obot, ye eke usuk, ye eke una-isɔŋ edem inyaŋ, ye eke mme usuhɔre, ye kpukpru mbɔŋ mmɔ: enye isuhɔke baba nsuhɔ kiet, edi osobo kpukpru se iduɔkde ibifik, kpa nte Jehovah Abasi Israel okowukde.

JOSHUA 10:42

Ntre ke Joshua ada kpukpru mbɔŋ emi ye isɔŋ mmɔ ini kiet: koro Jehovah Abasi Israel aŋwanade ekɔŋ ɔnɔ Israel.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

JOSHUA 2:14

Ndien mbon oro edɔhɔ enye, ete, Uwem nnyin etie ke ibuot mbufo ke idem mkpa, edieke mbufo midiyarakede ŋkpɔ nnyin emi. Ndien ama ekem, adaŋemi Jehovah edinɔde nnyin isɔŋ emi, nnyin iyefɔn fi mfɔn ye akpanikɔ.

JOSHUA 21:44

Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

JOSHUA 8:24

Edikem adaŋemi Israel ema ekewot kpukpru mme andiduŋ Ai ema ke iŋwaŋ, ye ke ikɔt eke ebinede mmɔ ke esit, ndien adaŋemi kpukpru mmɔ eduɔŋɔde ke iso ofut, tutu esobo mmɔ ema, ndien ofuri Israel efiak edem eka Ai, ekebiat enye ke iso ofut.

JOSHUA 9:24

Ndien mmɔ ebɔrɔ Joshua, ete, Koro mmɔ eketiŋde enɔ nnyin ikɔt fo, nte Jehovah Abasi fo okowukde Moses owo esie ndida ofuri edem emi nnɔ mbufo, nnyuŋ nsobo kpukpru mme andiduŋ edem emi ke iso mbufo mfep, ndien oto mbufo nnyin idikhe eti-eti ibaŋa uwem nnyin, ndien inam ŋkpɔ emi.

JOSHUA 9:7

Ndien nditɔ Israel edɔhɔ mme Hivite, ete, Ndusuk mbufo eduŋ ke ufɔt nnyin; didie ndien ke nnyin idinam ediomi ye mbufo?

JUDGES 1:24

Ndien mbon-uyep ekut owo ɔwɔrɔde ke obio, ndien mmɔ edɔhɔ enye, ete, Mbɔk, wut nnyin usuŋ uduk obio, ndien nnyin iyefɔn ido ye afo.

JUDGES 1:4

Ntre Judah ɔdɔk; ndien Jehovah ada mme Canaanite ye mme Perizzite esin mmɔ ke ubɔk: ndien mmɔ ewot mmɔ tɔsin owo duop ke Bezek.

JUDGES 2:2

mbufo ekunyuŋ ediomi ediomi ye mme andiduŋ isɔŋ emi; mbufo ewuri mme itie-uwa mmɔ. Edi mbufo ikokopke uyo mi: nsinam mbufo enamde emi?