DEUTERONOMY 7:19 - Edisana ñwed Abasi Ibom

¹⁹ ikpɔ ndomo emi enyin fo okokutde, ye mme idiɔŋɔ, ye mme utibe ŋkpɔ, ye ɔkpɔsɔŋ ubɔk, ye edimenere ubɔk, emi Jehovah Abasi fo akadade osio fi; kpasuk ntre ke Jehovah Abasi fo edinam ye kpukpru mme idut emi ndik mmɔ edinamde fi.

DEUTERONOMY 7:19 ပူးပေါင်းရင်းမြစ်များ

ŊWED MME PSALM 136:12

Ke ɔkpɔsɔŋ ita, ye ke edimenere ubɔk: koro ima esie odude ke nsinsi.

ŊWED MME PSALM 44:4

Edi afo edi enye, edidem mi, O Abasi: wuk ete enyaŋa Jacob.

ŊWED MME PSALM 77:12

Nyekere kpukpru se afo anamde, nyenyuŋ ŋkere utom fo.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

DEUTERONOMY 29:3

ikpɔ idomo oro enyin fo ekekutde, mme idiɔŋɔ ye ikpɔ utibe ŋkpɔ oro:

DEUTERONOMY 3:21

Ndien nteme Joshua, ke ini oro, nte, Enyin fo ema ekut kpukpru se Jehovah Abasi mbufo akanamde ye mbɔŋ mbiba emi: kpa ntre ke Jehovah edinam ke kpukpru mme idut emi afo edibede aka do.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

JOSHUA 10:25

Ndien Joshua ɔdɔhɔ ete, Mbufo ekudikhe, ekunyuŋ eyak esit ɔduɔ mbufo, esɔŋɔ ubɔk, enyuŋ esɔŋɔ esit: koro ntem ke Jehovah edinam ye kpukpru mme asua mbufo eke mbufo eŋwanade ekɔŋ ye mmɔ.

JOSHUA 24:17

koro edi Jehovah Abasi nnyin okosio nnyin ye mme ete nnyin efep ke isɔŋ Egypt, ke ufɔk ufin, ɔdɔk edi, emi okonyuŋ anamde ikpɔ idiɔŋɔ emi ke iso nnyin, onyuŋ ekpemede nnyin ke ofuri usuŋ emi nnyin ikesaŋade ke esit, ye ke otu kpukpru obio oro nnyin ikesaŋade ke ufɔt mmɔ ibe:

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.