DEUTERONOMY 7:17 - Edisana ñwed Abasi Ibom

¹⁷ Ke afo edidɔhɔde ke esit fo, ete, Mme idut emi ewak ekan mi; ndikeme didie ndibin mmɔ mfep?

DEUTERONOMY 7:17 ပူးပေါင်းရင်းမြစ်များ

ISAIAH 14:13

Ndien afo ɔkɔdɔhɔ ke esit fo, ete, “Nyedɔk ke enyɔŋ, nyemenere ebekpo mi nnim ke enyɔŋ ŋkan ntantafiɔŋ Abasi: nnyuŋ ntie ke obot emi mmɔ esopde esop, ke edem edere-edere:

ISAIAH 47:8

Kop emi ndien, O aŋwan usɔrɔ, emi etiede edue idem, emi ɔdɔhɔde ke esit esie, ete, Ami ndu, ndien efen iduhe, ibɔhɔke ami; nditiehe nte ebe-akpa, ndifiɔkke unana-nditɔ.

ISAIAH 49:21

Ndien afo eyedɔhɔ ke esit fo, ete, Anie akaman mme mmɔ emi ɔnɔ mi, ndien ami ŋkanana nditɔ, nnyuŋ ndi ada, ndi ibuot-ekɔŋ, ye owo eke etaŋde efep? Anie ɔkɔbɔk mme mmɔ emi? Sese, ami nsuk ikpɔŋ ke idem mi: mme mmɔ emi eto mmɔŋ?

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

NUMBERS 13:32

Ndien mmɔ eda idiɔk mbuk ebaŋa isɔŋ oro mmɔ ekekade ndiyep, editiŋ enɔ nditɔ Israel, ete, Isɔŋ oro nnyin ikebede ika enye ndiyep, edi isɔŋ eke adiade mme andiduŋ enye; ndien kpukpru owo emi nnyin ikokutde ke esit ekoŋ idaha.

NUMBERS 21:34

Ndien Jehovah ɔdɔhɔ Moses, ete, Kufehe enye: koro mmada enye, ye kpukpru ikɔt esie, ye isɔŋ esie, nsin fi ke ubɔk; ndien afo eyenam enye kpa nte akanamde Sihon ɔbɔŋ mme Amorite emi oduŋde ke Heshbon.

NUMBERS 33:53

Ndien mbufo ebin (mme enyene) isɔŋ efep, enyuŋ eduŋ ke esit: koro mmada isɔŋ emi nnɔ mbufo nte enyene.

LUKE 9:47

Edi ke ini Jesus ɔdiɔŋɔde eneni emi odude mmɔ ke esit, Enye odudi ekpri eyen ɔwɔŋ adian idem, onyuŋ ɔdɔhɔ mmɔ ete,

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

DEUTERONOMY 18:21

Ndien ke afo ɔdɔhɔde ke esit fo, ete, Nnyin idinam didie ifiɔk ikɔ eke Jehovah mikɔdɔhɔke?

DEUTERONOMY 8:17

mbak afo edidɔhɔ ke esit fo, ndien, ete, ke odudu fo ye ŋsɔŋubɔk fo ke ekekɔ kpukpru inyene emi enɔ imɔ.

JOSHUA 23:3

mbufo ema enyuŋ ekut kpukpru se Jehovah Abasi mbufo akanamde ye kpukpru mme idut emi ke iso mbufo: koro edi Jehovah Abasi mbufo akaŋwana ekɔŋ ɔnɔ mbufo.