DEUTERONOMY 7:15 - Edisana ñwed Abasi Ibom

¹⁵ Jehovah eyenyuŋ osio fi kpukpru udɔŋɔ ke idem efep, idinyuŋ idaha baba idiɔk udɔŋɔ Egypt kiet, eke afo ɔfiɔkde inam fi; edi enye eyeda mmɔ anam kpukpru owo eke esuade fi.

DEUTERONOMY 7:15 ပူးပေါင်းရင်းမြစ်များ

ŊWED MME PSALM 91:10

Afo omonim Ata Edikoŋ ke ebiet iduŋ fo. Baba idiɔk-ŋkpɔ idisimke fi, ufen idinyuŋ isaŋake ikpere iduk ke ataya fo.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

EXODUS 9:11

Ndien oyo oro iyakke mbia-idiɔŋ eda ke iso Moses: koro oyo anamde mbia-idiɔŋ ye kpukpru nditɔ Egypt.

DEUTERONOMY 28:27

Jehovah eyeda oyo Egypt, ye mme emerod, ye ndɔk ye mfat, amiŋa fi, ndien afo udukwe nte enamde mmɔ ekure fi.

DEUTERONOMY 28:60

Enye eyenyuŋ ada kpukpru mme idiɔk udɔŋɔ Egypt emi afo ekefehede, anam fi; ndien mmɔ eyeyire fi.

DEUTERONOMY 30:7

Ndien Jehovah Abasi fo eyeda kpukpru isuŋi emi odori mbon asua fo, ye mmɔ eke mimaŋa fi, eke ekɔbɔde fi.