DEUTERONOMY 7:13 - Edisana ñwed Abasi Ibom

¹³ ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

DEUTERONOMY 7:13 ပူးပေါင်းရင်းမြစ်များ

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED JOB 1:10

Nte afo usinke ɔkɔ ukan enye, ye ufɔk esie, ye kpukpru se enye enyenede, ukuk? Afo ɔmɔdiɔŋ se ubɔk esie anamde, inyene esie omonyuŋ ɔtɔt ke isɔŋ?

ŊWED JOB 42:12

Ndien Jehovah ɔdiɔŋ Job ke ukperedem akan eke mbemiso: ndien enye enyene tɔsin ŋkpri ufene duopenaŋ, ye tɔsin camel itiokiet, ye enaŋ iba-iba itie tɔsin, ye tɔsin uman ass.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 107:38

Enye onyuŋ ɔdiɔŋ mmɔ ŋko, ndien mmɔ ewak eti-eti; inyuŋ iyakke ufene mmɔ ekabare ekpri.

ŊWED MME PSALM 11:7

Koro edinen Jehovah amade se inende: iso esie ese edinen owo.

ŊWED MME PSALM 127:3

Sese, nditɔ edi udeme Jehovah,: mfri idibi onyuŋ edi ŋkpɔ eyen utom.

ŊWED MME PSALM 146:8

Jehovah atat mbon nnanenyin: Jehovah emenere mmɔ eke enu-hɔde: Jehovah ama mbon edinen ido:

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

MME ŊKE 10:22

Edi ufɔn Jehovah ofori owo, enye inyuŋ idianke afanikɔŋ ke esit.

MME ŊKE 15:9

Jehovah abat usuŋ idiɔk owo ke mbubiam: edi enye ama owo eke etienede edinen ido.

LEVITICUS 26:9

Ndien nyese mbufo, nnyuŋ nnam mbufo ewak, enyuŋ etɔt, nnyuŋ nnam ediomi mi ɔsɔŋ ada ye mbufo.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 16:27

koro Ete ke Idem Esie amama mbufo, sia mbufo ekamamade Mi, enyuŋ enimde ke akpanikɔ ete Ami ŋkoto ke ɔtɔ Ete ndi.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 28:1

NDIEN ama ekem, edieke afo mudutreke ndikop uyo Jehovah Abasi fo, ke nditim nnim kpukpru mme ewuhɔ esie, emi ami ŋwukde fi mfin emi, Jehovah Abasi fo eyefori fi akan kpukpru mme idut ke ererimbot:

DEUTERONOMY 28:11

Ndien Jehovah eyenam fi awak ke nti ŋkpɔ, ke mfri idibi fo, ye ke mfri iŋwaŋ fo, ke isɔŋ emi Jehovah ɔkɔŋwɔŋɔde ɔnɔ mme usɔ, ete eyenɔ fi.

DEUTERONOMY 30:5

ndien Jehovah Abasi fo eyeda fi edi ke isɔŋ emi mme usɔ ekenyenede, afo ŋko eyeda enye enyene; ndien enye eyefɔn ye afo, onyuŋ anam fi awak akan mme usɔ.

DEUTERONOMY 7:7

Idige koro mbufo ekewakde ekan kpukpru mme idut, ekesin Jehovah ama mbufo, onyuŋ emek mbufo: koro mbufo ekpekpri ekan kpukpru mme idut: