DEUTERONOMY 7:12 - Edisana ñwed Abasi Ibom

¹² Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

DEUTERONOMY 7:12 ပူးပေါင်းရင်းမြစ်များ

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED MME PSALM 103:18

ye mmɔ eke enimde ediomi esie, ye mmɔ eke etide mme ewuhɔ esie enyuŋ enamde mmɔ.

ŊWED MME PSALM 149:9

man ekpe ikpe ke otu mmɔ kpa nte ewetde: kpukpru mbon-ima (Abasi) enyene ukpono emi. Mbufo etoro Jehovah.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

MICAH 7:20

Afo eyenɔ Jacob akpanikɔ, ɔnɔ Abraham ufɔn oro afo ɔkɔŋwɔŋɔde ɔnɔ mme ete nnyin ke eyo oko.

LUKE 1:55

(Kpa nte Enye eketiŋde ɔnɔ mme ete nnyin) Mbɔm emi Enye atuade Abraham ye nditɔ esie ke nsinsi.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 5:10

nnyuŋ mfɔn ido ye tɔsin emana mmɔ eke emade mi enyuŋ enimde mbet mi.

DEUTERONOMY 7:11

Nim ndien mbet, ye mme ewuhɔ ye mme item, emi ami ntemede fi mfin emi, man afo anam mmɔ.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;