DEUTERONOMY 6:5 - Edisana ñwed Abasi Ibom

⁵ ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

DEUTERONOMY 6:5 ပူးပေါင်းရင်းမြစ်များ

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

2 NDIDEM 23:25

Ndien baba edidem kiet eke ebietde enye akanam ibemke enye iso, emi akabarede etiene Jehovah ke ofuri esit esie, ye ke ofuri ukpɔŋ esie, ye ke ofuri odudu esie, nte ofuri ibet Moses eketemede; baba kiet eke ebietde enye akanam inyuŋ itieneke edem idaha ida.

2 CHRONICLES 15:12

Mmɔ enyuŋ eduk ke ediomi, ete mmimɔ iyeyom Jehovah Abasi mme ete mmimɔ, ke ofuri esit mmimɔ, ye ke ofuri ukpɔŋ mmimɔ;

2 CHRONICLES 34:31

Edidem onyuŋ ada ke ɔtɔ esie, onyuŋ anam ediomi ke iso Jehovah, ete iyesaŋa itiene Jehovah, inyuŋ inim mbet esie, ye mme item esie, ye mme ewuhɔ esie, ke ofuri esit esie, ye ke ofuri ukpɔŋ esie, inyuŋ inam ikɔ ediomi eke ekewetde ke ŋwed emi.

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ŊWED MME PSALM 31:24

Mbufo ekop uko, ndien enye eyesɔŋ mbufo esit, kpukpru mbufo emi edoride Jehovah enyin.

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

MATTHEW 22:37

Jesus ɔdɔhɔ enye ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri ekikere fo.

MARK 12:30

Afo nyuŋ ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri ekikere fo, ye ke ofuri odudu fo.

MARK 12:33

ndien owo ndima Enye ke ofuri esit, ye ke ofuri asian ye ke ofuri odudu, ndinyuŋ mma mbɔhiduŋ esie nte idem esie omotim okpon akan kpukpru erifɔp enɔ ye uwa.

LUKE 10:27

Enye ɔbɔrɔ ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri odudu fo, ye ke ofuri ekikere fo; nyuŋ ma mbɔhiduŋ fo nte idem fo.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 13:3

kukop mme ikɔ prophet oro, mme eke adaba ndap oro: koro Jehovah Abasi mbufo ododomo mbufo, ete ifiɔk mme mbufo emema Jehovah Abasi mbufo ke ofuri esit mbufo, ye ke ofuri ukpɔŋ mbufo.

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 19:9

ke afo ama onyuŋ onim kpukpru mbet emi, onyuŋ anam mmɔ, emi ami ŋwukde fi mfin emi, onyuŋ ama Jehovah Abasi fo, onyuŋ asaŋa ke usuŋ esie, kpukpru ini; ndien da obio ita efen nɔ idem fo, kɔrɔ ke obio ita emi:

DEUTERONOMY 30:10

ke ini afo edikopde uyo Jehovah Abasi fo, onyuŋ onimde mbet esie, ye mme ewuhɔ esie emi ewetde ke ŋwed mbet emi, ke ini afo afiakde edem etiene Jehovah Abasi fo ke ofuri esit fo, ye ke ofuri ukpɔŋ fo.

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.

JOSHUA 22:5

Edi mbufo ekpeme ndinim mbet ye mme ewuhɔ emi Moses owo Jehovah eketemede mbufo, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ etim enim mbet esie, enyuŋ eyire ye enye, enyuŋ enam ŋkpɔ esie ke ofuri esit mbufo, ye ke ofuri ukpɔŋ mbufo.

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.