DEUTERONOMY 6:3 - Edisana ñwed Abasi Ibom

³ O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

DEUTERONOMY 6:3 ပူးပေါင်းရင်းမြစ်များ

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

GENESIS 13:16

Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde.

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:14

Ndien ubon fo eyedi nte ntan isɔŋ; afo eyenyuŋ asiaha ke nnasia, ye ke ufien, ye ke edere, ye ke usuk: ndien edito ke afo ye ubon fo kpukpru oruk ke ererimbot ekut ufɔn.

ŊWED MME PSALM 119:4

Afo omowuk ete etim enim item fo eti-eti.

EXODUS 1:7

Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

JEREMIAH 42:6

Edide eti onyuŋ edide idiɔk, nnyin iyekop uyo Jehovah Abasi nnyin, emi nnyin idɔŋde fi utom ke ɔtɔ esie; man ɔfɔn ye nnyin ke ini nnyin idikopde uyo Jehovah Abasi nnyin.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

UTOM MME APOSTLE 7:17

Edi ke adaŋemi ini emi Abasi ɔkɔŋwɔŋɔde ɔnɔ Abraham ekperede, nditɔ Israel etɔt enyuŋ ewak eti-eti ke Egypt,

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 26:15

Tie ke edisana iduŋ fo ke heaven tuk iso se, nyuŋ diɔŋ ikɔt fo Israel, ye isɔŋ emi afo ɔkɔnɔde nnyin, kpa nte afo ɔkɔwɔŋɔde ɔnɔ mme ete nnyin, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 26:9

enye onyuŋ ada nnyin edi ke ebiet emi, onyuŋ ɔnɔ nnyin isɔŋ emi, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 27:3

ndien wet kpukpru ikɔ mbet emi sin ke esit, ke afo ama ekebe, man afo oduk ke isɔŋ emi Jehovah Abasi fo ɔnɔde fi, kpa isɔŋ emi ɔfiɔrɔde mmɔŋ-eba ye aran-ɔkwɔk; kpa nte Jehovah mme usɔ ɔkɔdɔhɔde fi.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 4:6

Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.

DEUTERONOMY 8:8

isɔŋ wheat, ye eke barley, ye eke vine, ye eke eto fig, ye eke pomegranate; isɔŋ aran olive, ye eke aran-ɔkwɔk;