DEUTERONOMY 6:18 - Edisana ñwed Abasi Ibom

¹⁸ Nyuŋ nam se inende inyuŋ ifɔnde ke iso Jehovah: man ɔfɔn ye afo, man afo onyuŋ oduk ekenyene eti isɔŋ emi Jehovah ɔkɔŋwɔŋɔde ɔnɔ mme usɔ.

DEUTERONOMY 6:18 ပူးပေါင်းရင်းမြစ်များ

ŊWED MME PSALM 19:11

Enyuŋ eda mmɔ eteme owo fo; akamba udori oto ke erinim mmɔ.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

EZEKIEL 18:19

Ndien mbufo edɔhɔ, ete, Eyen anam didie mibiomke idiɔk ido ete esie? Ke ini eyen oro anamde edinen ikpe, onimde kpukpru mme ewuhɔ mi, onyuŋ anam mmɔ, enye iditreke ndidu uwem.

EZEKIEL 18:21

Ndien ama edi idiɔk owo, ke ini enye ɔkpɔŋde kpukpru mme idiɔk ido esie emi enye akanamde, afiak edem, onyuŋ onimde kpukpru mme ewuhɔ mi, onyuŋ anam edinen ikpe, enye iditreke ndidu uwem, idikpaha mkpa.

EZEKIEL 18:27

Ndien adaŋemi idiɔk owo ɔkpɔŋde idiɔk ido esie emi enye akanamde, afiak, onyuŋ anamde edinen ikpe, enye eyenim ukpɔŋ esiemɔ ke uwem.

EZEKIEL 18:5

Ndien ke owo enende, onyuŋ anamde ikpe ye se inende,

EZEKIEL 33:14

Ndien ŋko ke ndɔhɔde idiɔk owo, nte, “Afo udutreke ndikpa”; ndien enye akabare ɔkpɔŋ mme idiɔk ido esie, onyuŋ anam edinen ido ye eti ido;

EZEKIEL 33:16

Iditihi idiɔk ido esie emi enye akanamde baba kiet inɔ enye: enye ama anam edinen ido ye eti ido; iditreke ndidu uwem.

EZEKIEL 33:19

Ndien ke idiɔk owo ɔkpɔŋde idiɔk ido esie, onyuŋ anamde edinen ido ye eti ido, enye eyedu uwem ke esit.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

JOHN 8:29

Andidɔŋ Mi onyuŋ odu ye Ami: Enye ikɔkpɔŋke Mi ikpɔŋ; koro Ami nnamde se inemde Enye esit kpukpru ini.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

DEUTERONOMY 12:25

Kudia enye; man ɔfɔn fi, ye nditɔ fo emi editienede fi, ke ini afo anamde se inende ke enyin Jehovah.

DEUTERONOMY 12:28

Kpeme, nyuŋ kop kpukpru ikɔ emi ntemede fi, man ɔfɔn fi, ye nditɔ fo emi editienede fi ke nsinsi, ke ini afo anamde se inende ke enyin Jehovah Abasi fo.

DEUTERONOMY 13:18

ke ini afo okopde uyo Jehovah Abasi fo, onyuŋ onimde kpukpru mbet esie emi ami ntemede fi mfin emi, ke anam se inende ke enyin Jehovah Abasi fo.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 6:10

Ndien ama ekem ke Jehovah Abasi fo edidade fi oduk ke isɔŋ emi enye ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ fi ikpɔ ye nti obio, eke mikedige afo ɔbɔp,

DEUTERONOMY 6:19

Ete iyebin kpukpru mme asua fo ifep ke iso fo, kpa nte Jehovah ɔkɔdɔhɔde.

DEUTERONOMY 8:11

Tiŋ enyin mbak afo edifre Jehovah Abasi fo, ke eritre ndinim mbet esie, ye mme item esie, ye mme ewuhɔ esie emi ami ŋwukde fi mfin emi.