DEUTERONOMY 6:17 - Edisana ñwed Abasi Ibom

¹⁷ Mbufo etim enim mbet Jehovah Abasi mbufo, ye mme item esie, ye mme ewuhɔ esie, emi enye okowukde fi.

DEUTERONOMY 6:17 ပူးပေါင်းရင်းမြစ်များ

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ŊWED MME PSALM 119:4

Afo omowuk ete etim enim item fo eti-eti.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 11:22

Koro edieke mbufo edikpemede kpukpru mme ewuhɔ emi ami ŋwukde mbufo, enyuŋ enim mmɔ, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ eyire ye enye;

DEUTERONOMY 27:1

NDIEN Moses ye mbiowo Israel ewuk kpukpru owo, ete, Mbufo enim kpukpru mme ewuhɔ emi ami ŋwukde mbufo mfin emi.

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 5:32

Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

TITUS 3:8

Ikɔ emi edi akpanikɔ. Nyom fi ɔsɔŋɔ eyire emi, ete mmɔ emi ekɔbuɔtde idem ye Abasi esin ifik enyene eti ubɔk-utom eke mmɔ enamde. Utɔ item emi edi se ifɔnde ye se idorode owo.

MME HEBREW 6:11

Edi ɔdɔŋ nnyin nte kpukpru mbufo ewut kpa oruk ifik oro, man enyene ɔyɔhɔ idorenyin tutu osim utit:

2 PETER 3:14

Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.