DEUTERONOMY 6:13 - Edisana ñwed Abasi Ibom

¹³ Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

DEUTERONOMY 6:13 ပူးပေါင်းရင်းမြစ်များ

GENESIS 24:3

ubɔk fo ke idak ifuhi mi: ndien nyenam fi otomo Jehovah, Abasi enyɔŋ ye Abasi isɔŋ, ete ke afo ududaha ŋwan unɔ eyen mi ke otu nditɔ-iban mbon Canaan emi

2 NDIDEM 17:36

ke mibɔhɔke Jehovah emi akadade mbufo ke isɔŋ Egypt ɔdɔk, ke akamba odudu ye ke edinyanare ubɔk, mbufo ebak enye, enyuŋ etuak ibuot enɔ enye, enyuŋ ewa uwa enɔ enye.

ŊWED MME PSALM 15:4

Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

ŊWED MME PSALM 63:11

Edi edidem eyedara Abasi: kpukpru owo eke etomode enye eyebure: koro eyesiri mme osu-nsu inua.

EXODUS 20:7

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

ISAIAH 45:23

Mmotomo idem mi, ikɔ ɔmɔwɔrɔ mi ke inua edinen, idinyuŋ ifiakke, nte kpukpru edɔŋ eyetɔŋɔ enɔ mi, kpukpru edeme eyenyuŋ etomo.

ISAIAH 48:1

EKOP ŋkpɔ emi, mbufo ufɔk Jacob, emi ekerede enyiŋ Israel, emi ekenyuŋ etode ke mmɔŋ Judah, emi etomode enyiŋ Jehovah, enyuŋ etiŋde enyiŋ Abasi Israel, edi idige ke akpanikɔ, inyuŋ idige ke eti ido.

ISAIAH 65:16

eke owo eke edidiɔŋde idem esie ke isɔŋ edidade Abasi akpanikɔ ɔdiɔŋ; ye owo eke ediŋwɔŋɔde ke isɔŋ edidade Abasi akpanikɔ ɔŋwɔŋɔ; koro emefre akpa ndutuhɔ: koro mmɔ enyuŋ edibede mi ke enyin.

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

LEVITICUS 19:12

Mbufo ekunyuŋ etomo enyiŋ mi esin ke nsu; kunyuŋ ubiat enyiŋ Abasi fo: ami ndi Jehovah.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

MATTHEW 5:33

Ŋko, mbufo emekop ete ekɔnɔ mbio eyo oko uyo, ete, Kutomo ŋkpɔ ke nsu, edi nam nɔ Jehovah kpa nte ɔkɔŋwɔŋede.

LUKE 4:8

Edi Jesus ɔbɔrɔ enye ete, Ema ewet ete, Tuak ibuot nɔ Jehovah Abasi fo, nyun nam ŋkpɔ nɔ Enye ikpɔŋ-ikpɔŋ.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 5:11

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

JOSHUA 2:12

Mbufo etomo ndien Jehovah enɔ mi, mbɔk, ete, Nte emi mfɔnde mfɔn ye mbufo, kpa ntre ŋko ke mbufo edifɔn mfɔn ye ufɔk ete mi, enyuŋ enɔ mi idiɔŋɔ akpanikɔ:

JOSHUA 23:7

man mbufo ekuduk ke otu mme idut emi, kpa mme mmɔ emi esuhɔde ke otu mbufo, ekunyuŋ ekot enyiŋ mme abasi mmɔ, ekunyuŋ enam owo otomo (mmɔ), ekunyuŋ enam ŋkpɔ mmɔ,

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.