DEUTERONOMY 5:9 - Edisana ñwed Abasi Ibom

⁹ kunuhɔ unɔ mmɔ, kunyuŋ unam ŋkpɔ mmɔ; koro ami Jehovah Abasi fo ndi Abasi ufup, nda mme ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ

DEUTERONOMY 5:9 ပူးပေါင်းရင်းမြစ်များ

2 NDIDEM 17:35

emi Jehovah okonyuŋ anamde ediomi ye mmɔ, onyuŋ etemede mmɔ, ete, Mbufo ekubak mme abasi efen, ekunyuŋ enuhɔ enɔ mmɔ, ekunyuŋ enam ŋkpɔ mmɔ, ekunyuŋ ewa uwa enɔ mmɔ:

EXODUS 34:14

kunyuŋ utuak ibuot unɔ abasi efen baba kiet: koro Jehovah, emi enyiŋ esie ekerede Ufup, edi Abasi ufup:

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

DEUTERONOMY 4:16

mbak mbufo edikabare ediɔk, enyuŋ enam edisɔi mbiet ŋkpɔ ekededi enɔ idem mbufo, eke ebietde eren mme ŋwan,

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.

DEUTERONOMY 6:15

(koro Jehovah Abasi fo edide Abasi ufup ke otu fo); mbak Jehovah Abasi fo ediyat esit ye afo, ndien osobo fi efep ke iso isɔŋ.

DEUTERONOMY 7:10

onyuŋ osiode usiene ye mme asua enye ke iso esie, ke ndisobo mmɔ: enye idinamke ubigi ye owo eke asuade enye, eyesio usiene ɔnɔ enye ke iso esie.