DEUTERONOMY 5:5 - Edisana ñwed Abasi Ibom

⁵ (Ami ŋkada ke ufɔt Jehovah ye mbufo ke ini oro, man ntiŋ ikɔ Jehovah nnɔ mbufo: koro ndik ikaŋ oro akanamde mbufo, mufo ikonyuŋ idɔkke obot) ete,

DEUTERONOMY 5:5 ပူးပေါင်းရင်းမြစ်များ

GENESIS 18:22

Ndien mbon oro ekabare ekpɔŋ ɔtɔ oro, eka ke Sodom: edi Abraham ada kaŋa ke iso Jehovah.

2 NDIDEM 18:4

Enye abiat mme edikoŋ ebiet efep, onyuŋ obom mme adaha, onyuŋ asiak mme eto-mkpe, onyuŋ ada urukikɔt okpoho oro Moses akanamde, anuak mbai-mbai, koro nditɔ Israel ekam efɔpde incense enɔ enye tutu osim usen oro: ndien enye okot enye, ete Nehustan (okpoho).

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

EXODUS 19:16

Edikem ke ɔyɔhɔ usen ita, ke ini eyo esierede, uyom enyɔŋ ye obuma edu, idiɔk enyɔŋ onyuŋ ofuk obot, uyom ukorowo onyuŋ ɔsɔŋ eti-eti; ndien kpukpru owo eke edude ke nna enyek idem.

EXODUS 19:21

Ndien Jehovah ɔdɔhɔ Moses, ete, Suhɔre, kowuk kpukpru owo, mbak mmɔ edibe edi ndise Jehovah, ndien ediwak mmɔ ekpaŋa.

EXODUS 19:25

Ndien Moses ɔsuhɔre aka ke ɔtɔ mbio oro ɔkɔdɔhɔ ye mmɔ.

JEREMIAH 30:21

Ndien ɔbɔŋ mmɔ eyeto ke otu idem mmɔ: andikara mmɔ eyenyuŋ oto ke ufɔt mmɔ ɔwɔrɔ; ndien ami nyeyak enye asaŋa ekpere, ndien enye eyesim mi: koro anie owo edi emi onimde esit esie ubiɔŋ man osim mi?

NUMBERS 16:48

Enye onyuŋ ada ke ufɔt mme akpa mkpa ye mme odu uwem; ndien udɔŋɔ etre.

ŊWED MBON GALATIA 3:19

Nso ke ikpɔdɔhɔ ndien ibaŋa ibet? Ekada ibet edisin, man ndudue owut idem, tutu Eyen oro ekeŋwɔŋɔde uŋwɔŋɔ enɔ Enye edidi; ekeda mme angel enɔ ibet, ke ubɔk owo emi esinede ke ufɔt.

DEUTERONOMY 5:27

Afo saŋa kpere, kokop kpukpru se Jehovah Abasi nnyin edidɔhɔde: ndien afo men kpukpru se Jehovah Abasi nnyin edidɔhɔde fi, tiŋ nɔ nnyin; ndien nnyin iyekop, inyuŋ inam.

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.