DEUTERONOMY 5:33 - Edisana ñwed Abasi Ibom

³³ Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 5:33 ပူးပေါင်းရင်းမြစ်များ

1 NDIDEM 3:14

Ndien edieke afo edisaŋade ke usuŋ mi, onyuŋ onim mme ewuhɔ mi ye mbet mi, kpa nte David usɔ akasaŋade, nyenam mme usen fo ebigi.

2 NDIDEM 17:37

Ndien mbufo etim enim mme ewuhɔ, ye ido, ye item, ye ibet, emi enye ewetde ɔnɔ mbufo, kpukpru ini; ekunyuŋ ebak mme abasi efen.

1 CHRONICLES 28:8

Mbufo ekpeme, ndien, enyuŋ eyom kpukpru mbet Jehovah Abasi mbufo, ke enyin ofuri Israel, esop Jehovah, ye ke utɔŋ Abasi nnyin; man mbufo enyene eti isɔŋ emi, enyuŋ eda enye enɔ nditɔ mbufo eke editienede mbufo ke edem, edia ke nsinsi.

ŊWED MME PSALM 119:6

Ndien but idinamke mi, ke ini ami ntiŋde enyin ke kpukpru mbet fo.

ŊWED MME PSALM 37:11

Edi mbon nsukidem eyeda isɔŋ enyene; ediwak emem eyenyuŋ enem mmɔ esit.

ŊWED MME PSALM 37:22

Koro mmɔ eke enye ɔdiɔŋde eda isɔŋ enyene: edi eyesibe mmɔ eke enye osuŋide efep.

ŊWED MME PSALM 37:29

Nti owo eyeda isɔŋ enyene, enyuŋ eduŋ ke esit ke nsinsi.

ŊWED MME PSALM 37:34

Bet Jehovah, nyuŋ nim ido esie, ndien enye eyemenere fi onim ke enyɔŋ, man ada isɔŋ enyene.

ŊWED MME PSALM 37:9

Koro eyekpok mme idiɔk owo efep: edi mmɔ eke ebetde Jehovah eyeda isɔŋ enyene.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

MME ŊKE 3:1

EYEN mi, kufre mbet mi; edi yak esit fo ekpeme mme ewuhɔ mi:

JEREMIAH 42:6

Edide eti onyuŋ edide idiɔk, nnyin iyekop uyo Jehovah Abasi nnyin, emi nnyin idɔŋde fi utom ke ɔtɔ esie; man ɔfɔn ye nnyin ke ini nnyin idikopde uyo Jehovah Abasi nnyin.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

EZEKIEL 20:19

Ami Jehovah ndi Abasi mbufo; mbufo esaŋa ke mme ewuhɔ mi, enyuŋ enim mme item mi, enyuŋ enam mmɔ;

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

ŊWED MBON EPHESUS 6:3

man ɔkpɔfɔn ye afo, afo okponyuŋ odu uwem ebigi ke isɔŋ.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 12:25

Kudia enye; man ɔfɔn fi, ye nditɔ fo emi editienede fi, ke ini afo anamde se inende ke enyin Jehovah.

DEUTERONOMY 12:28

Kpeme, nyuŋ kop kpukpru ikɔ emi ntemede fi, man ɔfɔn fi, ye nditɔ fo emi editienede fi ke nsinsi, ke ini afo anamde se inende ke enyin Jehovah Abasi fo.

DEUTERONOMY 22:7

ndien da nditɔ ke idem fo; kpaŋ ɔkpɔfɔn fi, mme usen fo ekpenyuŋ ebigi.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

DEUTERONOMY 8:1

MBUFO etiŋ enyin enim kpukpru mme ewuhɔ emi ami ŋwukde fi mfin emi, man mbufo edu uwem, enyuŋ etɔt, enyuŋ eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo.

1ŊWED TIMOTHY 4:8

Koro erisin idem mbet ŋkpɔ ikpɔhidem enyene esisit udori; edi uteŋe Abasi ɔwɔrɔ udori ke kpukpru usuŋ, koro uŋwɔŋɔ uwem emi odude ke emi ye eke uwem emi edidide asaŋade ye enye.