DEUTERONOMY 5:32 - Edisana ñwed Abasi Ibom

³² Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

DEUTERONOMY 5:32 ပူးပေါင်းရင်းမြစ်များ

2 NDIDEM 17:37

Ndien mbufo etim enim mme ewuhɔ, ye ido, ye item, ye ibet, emi enye ewetde ɔnɔ mbufo, kpukpru ini; ekunyuŋ ebak mme abasi efen.

2 NDIDEM 21:8

Ndien nditɔŋɔke aba ntak mmen ikpat Israel mfep ke isɔŋ emi ŋkɔnɔde mme ete mmɔ; ke mmɔ ema etim enam kpukpru se ŋketemede mmɔ.

2 NDIDEM 22:2

Ndien enye anam se inende ke iso Jehovah, onyuŋ asaŋa ke kpukpru usuŋ David ete esie, inyuŋ iwahake iduk nnasia inyuŋ iduk ufien.

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

ŊWED MME PSALM 19:12

Anie ekeme ndidiɔŋɔ ndudue esiemɔ? Nam mi nsana mbɔhɔ mmɔ eke edibede.

ŊWED MME PSALM 80:19

O Jehovah Abasi mme udim, da nnyin fiak, nam iso fo ayama; ndien nnyin iyedu ke ifure.

MME ŊKE 3:2

Koro eyekɔrɔ anyan usen, ye isua uwem, ye ifure enɔ fi.

MME ŊKE 4:27

Kuwɔŋɔre uka nnasia, kunyuŋ uwɔŋɔre ufien sio ukot fo fep ke idiɔk.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

EZEKIEL 20:19

Ami Jehovah ndi Abasi mbufo; mbufo esaŋa ke mme ewuhɔ mi, enyuŋ enim mme item mi, enyuŋ enam mmɔ;

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

DEUTERONOMY 11:32

Mbufo ekpeme ndien, ndinim kpukpru mme ewuhɔ, ye mme item emi ami nnimde ke iso mbufo mfin emi.

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

DEUTERONOMY 17:11

nam ke uyo mme ewuhɔ eke mmɔ editemede fi, kpa nte ikpe eke mmɔ edidɔhɔde fi asaŋade: kuwɔŋɔre ukpɔŋ ikɔ eke mmɔ edisiande fi, uduk nnasia mme ufien.

DEUTERONOMY 17:20

man enye okumenere esit esiemɔ akan nditɔ-ete esie, okunyuŋ ɔwɔŋɔre ɔkpɔŋ mbet, oduk nnasia, mme ufien: kpaŋ usen esie, ye eke nditɔ esie ekpebigi ke ebekpo esie ke ufɔt Israel.

DEUTERONOMY 24:8

Tiŋ enyin ke udɔŋɔ akpa-mfia, man afo otim ekpeme, onyuŋ anam kpukpru se mme oku, kpa mme Levite, editemede mbufo: kpa nte ŋketemede mmɔ, kpa ntre ke mbufo edikpeme ndinam.

DEUTERONOMY 28:14

kunyuŋ ufep idem ke baba ikɔ kiet eke ami ntemede mbufo mfin emi, uwaha uka ke nnasia, mme ke ufien ŋketiene mme abasi efen nnam ŋkpɔ mmɔ.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 6:17

Mbufo etim enim mbet Jehovah Abasi mbufo, ye mme item esie, ye mme ewuhɔ esie, emi enye okowukde fi.

DEUTERONOMY 6:25

Ndien eyebat enye ke edinen ido enɔ nnyin, ke nnyin ikpemede ndinam kpukpru mme ewuhɔ emi ke iso Jehovah Abasi nnyin, kpa nte enye okowukde nnyin.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

DEUTERONOMY 8:1

MBUFO etiŋ enyin enim kpukpru mme ewuhɔ emi ami ŋwukde fi mfin emi, man mbufo edu uwem, enyuŋ etɔt, enyuŋ eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo.

JOSHUA 1:7

Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

JOSHUA 23:6

Mbufo esɔŋ ubɔk eti-eti, ndien, etim enim kpukpru se ekewetde ke ŋwed ewuhɔ Moses, man mbufo ekuwaha ekpɔŋ enye eka nnasia, mme ufien;

2 PETER 2:21

Ɔkpɔfɔn ye mmɔ ndikpetre ndifiɔk usuŋ edinen ido akan ndifiɔk mma, ndien ndiwɔŋɔre ŋkpɔŋ edisana ibet eke enɔde mmɔ.