DEUTERONOMY 5:3 - Edisana ñwed Abasi Ibom

³ Idige ye mme ete nnyin ke Jehovah akanam ediomi emi, edi ye nnyin ke idem nnyin, kpukpru nnyin emi idude uwem mi mfin emi.

DEUTERONOMY 5:3 ပူးပေါင်းရင်းမြစ်များ

GENESIS 17:21

Nyenyuŋ nnam ediomi mi ada ye Isaac, emi Sarah edimande ɔnɔ fi, ke adaŋa emi isua ebem eke edide.

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 34:13

Ntem ke Jehovah Abasi Israel ɔdɔhɔ, ete, Ami ŋkodiomi ediomi ye mme ete mbufo ke usen oro ŋkosiode mmɔ ke isɔŋ Egypt ke ufɔk ufin, nte,

MATTHEW 13:17

Ke akpanikɔ ke ndɔhɔ mbufo nte, ediwak mme prophet ye ndinen owo ema eyom ndikut mme ŋkpɔ eke mbufo ekutde, ndien ikekwe; ndiyuŋ ŋkop mme ŋkpɔ eke mbufo ekopde, ndien ikokopke.

DEUTERONOMY 29:1

MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.