DEUTERONOMY 5:15 - Edisana ñwed Abasi Ibom

¹⁵ Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.

DEUTERONOMY 5:15 ပူးပေါင်းရင်းမြစ်များ

GENESIS 15:13

Ndien enye ɔdɔhɔ Abram, ete, Tim fiɔk ete ke ubon fo eyedi isen ke isɔŋ kiet eke midige eke mmɔ; eyenyuŋ enam ŋkpɔ enɔ mmɔ; mmɔ eyenyuŋ efik mmɔ ke isua ikie inaŋ:

GENESIS 19:16

obio emi. Ndien ke ini enye anamde nduduhɔ, mbon oro emum enye ubɔk, ye ubɔk ŋwan esie, ye ubɔk nditɔ-iban esie mbiba, koro Jehovah atuade enye mbɔm: mmɔ enyuŋ eda enye ewɔrɔ, ekenim ke edem obio.

ŊWED MME PSALM 116:16

Mbɔk, O Jehovah, ami ndi owo fo; eyen ofin aŋwan fo: afo amatat mi uruk.

ŊWED MME PSALM 136:12

Ke ɔkpɔsɔŋ ita, ye ke edimenere ubɔk: koro ima esie odude ke nsinsi.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 13:16

Ndien enye eyedu fi ke ubɔk nte idiɔŋɔ, eyenyuŋ odu fi ke ufɔt enyin nte frontlet: koro Jehovah akadade ɔkpɔsɔŋ ubɔk osioŋo nnyin efep ke Egypt.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

DANIEL 9:15

Ke emi ndien, O Ɔbɔŋ Abasi nnyin, emi akadade ɔkpɔsɔŋ ubɔk osio ikɔt fo ke isɔŋ Egypt efep, okonyuŋ ɔwɔrɔde etop, kpa nte mfin emi; nnyin imɔdiɔk, imanam idiɔk.

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

DEUTERONOMY 16:12

Nyuŋ ti nte afo ekedide ofin ke Egypt: kpeme ndien, nyuŋ nim mme ewuhɔ emi.

DEUTERONOMY 26:8

ndien Jehovah ada ɔkpɔsɔŋ ubɔk, ye edimenere ubɔk, ye akamba ndik, ye mme idiɔŋɔ, ye utibe ŋkpɔ, osio nnyin ke Egypt;

DEUTERONOMY 5:6

Ami ndi Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

DEUTERONOMY 9:12

Ndien Jehovah ɔdɔhɔ mi, ete, Wawara daha ke ebiet emi suhɔre; koro oruk fo emi afo okosiode ke Egypt, emekabare ediɔk: mmɔ emewara ndiwaha ŋkpɔŋ usuŋ emi ŋketemede mmɔ; emenam editara mbiet enɔ idem mmɔ.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.