DEUTERONOMY 5:14 - Edisana ñwed Abasi Ibom

¹⁴ edi ɔyɔhɔ usen itiaba edi sabbath Jehovah Abasi fo: kunam baba utom ke esit, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye enaŋ fo, ye ass fo, ye baba ufene fo kiet, ye esen owo fo eke odude ke obio mbufo; man ofin eren fo ye ofin aŋwan fo eduɔk odudu kpa nte afo.

DEUTERONOMY 5:14 ပူးပေါင်းရင်းမြစ်များ

GENESIS 2:2

Abasi onyuŋ anam utom esie emi enye akanamde, okure ke ɔyɔhɔ usen itiaba; ndien ke ɔyɔhɔ usen itiaba enye odop kpukpru utom esie emi enye akanamde.

NEHEMIAH 13:15

Ke ini oro ŋkut usuk owo ke Judah nte edigide ebiet-udigi wine, ke sabbath, enyuŋ ebiomde ebek, enyuŋ edoride ŋkpɔ ke edem ass, ebiom wine ŋko, ye grape, ye fig, ye kpukpru oruk mbiomo, nte enyuŋ edade mmɔ eduk ke Jerusalem ke usen sabbath: ndien nsua nnɔ mmɔ ke usen oro mmɔ enyamde ŋkpɔ udia.

NEHEMIAH 13:16

Nditɔ Tyre enyuŋ eduŋ ke esit, eda iyak, ye kpukpru oruk ŋkpɔ-urua, edinyam enɔ nditɔ Judah, ye ke Jerusalem ke usen sabbath.

NEHEMIAH 13:21

Ndien ami nsua nnɔ mmɔ, nnyuŋ ndɔhɔ mmɔ, nte, Ke didie ke mbufo edaŋ ke edem ibibene? Mbufo ema etɔŋɔ ntak enam ntre, nyenam mbufo ŋkpɔ. Toto ke ini oro mmɔ idige aba ke sabbath.

NEHEMIAH 5:5

Ndien ke emi obukidem nnyin ebiet obukidem nditɔ-ete nnyin, nditɔ nnyin enyuŋ etie nte nditɔ mmɔ: ndien sese, nnyin imɔsukhɔre nditɔ-iren nnyin ye nditɔ-iban nnyin inim ke ifin, ema enyuŋ esuhɔre ndusuk nditɔ-iban nnyin; ndien ubɔk nnyin inyeneke odudu; iŋwaŋ nnyin ye iŋwaŋ-vine nnyin enyuŋ enyene owo efen.

EXODUS 23:12

Nam utom fo ke ofuri usen itiokiet, ndien ke ɔyɔhɔ itiaba dop; man enaŋ fo ye ass fo etie suŋ, man eyen ofin aŋwan fo ye esen owo enyuŋ eduɔk odudu.

LEVITICUS 23:3

Yak enam utom ke ofuri usen itiokiet: edi ɔyɔhɔ usen itiaba edi akakan sabbath, edisana esop; mbufo ekunam baba ubɔk-utom (ke esit): enye edi sabbath Jehovah ke kpukpru ebiet iduŋ mbufo.

MARK 2:27

Ndien Jesus ɔdɔhɔ mmɔ ete, Ekanam usen sabbath enɔ owo, inamke owo inɔ usen sabbath;

LUKE 23:56

Ndien mmɔ efiak enyɔŋɔ eketim ufuɔ ŋkpɔ ye myrrh. Ndien ke sabbath mmɔ eduɔk odudu nte ibet etemede.

DEUTERONOMY 5:13

Nam ŋkpɔ ke usen itiokiet, nyuŋ nam ofuri utom fo:

MME HEBREW 4:4

Koro Enye ɔdɔhɔ ke ebiet kiet abaŋa ɔyɔhɔ usen itiaba ntem ete, Ndien ke ɔyɔhɔ usen itiaba Abasi ɔkɔduɔk odudu ke kpukpru utom Esie: