DEUTERONOMY 5:10 - Edisana ñwed Abasi Ibom

¹⁰ nnyuŋ mfɔn ido ye tɔsin emana mmɔ eke emade mi enyuŋ enimde mbet mi.

DEUTERONOMY 5:10 ပူးပေါင်းရင်းမြစ်များ

ŊWED MME PSALM 103:17

Edi ima Jehovah ebigi ke nsinsi-nsinsi ye mmɔ eke ebakde enye, edinen ido esie onyuŋ ebigi ye nditɔ nditɔ;

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

JOHN 14:15

Mbufo ema ema Mi, eyenim mbet Mi.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 7:12

Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

JAMES 1:25

Edi owo eke owukde enyin ese ata edifɔn ibet Abasi emi anamde owo ɔwɔrɔ ufin, onyuŋ ɔsɔŋɔde ada ke esit, idige andikokop emi efrede, edi edi andinanam; owo emi eyekut eridiɔŋ ke erinam esie.

JOSHUA 22:5

Edi mbufo ekpeme ndinim mbet ye mme ewuhɔ emi Moses owo Jehovah eketemede mbufo, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ etim enim mbet esie, enyuŋ eyire ye enye, enyuŋ enam ŋkpɔ esie ke ofuri esit mbufo, ye ke ofuri ukpɔŋ mbufo.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.