DEUTERONOMY 5:1 - Edisana ñwed Abasi Ibom

¹ NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 5:1 ပူးပေါင်းရင်းမြစ်များ

ŊWED MME PSALM 78:7

Kpaŋ mmɔ ekpebuɔt idem-mmɔ ye Abasi, ekunyuŋ efre se Abasi anamde, edi enim mbet esie:

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 18:20

nyuŋ teme mmɔ mme ewuhɔ esie ye mbet, nyuŋ sian mmɔ usuŋ eke mmɔ ekpesaŋde ke esit, ye utom eke mmɔ ekpenamde.

MATTHEW 23:3

mmɔdo mbufo enam enyuŋ enim kpukpru ŋkpɔ eke mmɔ etemede mbufo: edi ekunam nte mmɔ enamde; koro mmɔ edɔhɔ, edi inamke nam.

DEUTERONOMY 1:1

MME ikɔ emi ke Moses ɔkɔdɔhɔ ye ofuri Israel ke edem Jordan oko ke wilderness, ke itihere emi asakde iso ese Suph, ke ufɔt Paran, ye Tophel, ye Laban, ye Hazeroth, ye Dizahab.

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 12:1

MME mmɔ emi edi mme ewuhɔ ye mme item emi mbufo edikpemede ndinam ke isɔŋ emi Jehovah Abasi mme usɔ ɔnɔde fi ete ada enye enyene, ofuri ini eke mbufo edidude uwem ke isɔŋ.

DEUTERONOMY 17:19

ndien ŋwed oro eyedu enye ke ubɔk, enye onyuŋ okot ŋwed kpukpru usen uwem esie: kpaŋ enye ekpekpep ndibak Jehovah Abasi esie, nnyuŋ nnim kpukpru ikɔ ŋwed-mbet emi, ye mme ewuhɔ emi, man enye anam mmɔ:

DEUTERONOMY 28:15

Ndien ama ekem edieke afo mukopde uyo Jehovah Abasi fo, munyuŋ utimke unim kpukpru mbet esie ye mme ewuhɔ esie emi ami ntemede fi mfin emi; ndien kpukpru mme idiɔk-ŋkpɔ emi eyebine fi:

DEUTERONOMY 29:10

Kpukpru mbufo emeda ke iso Jehovah Abasi mbufo mfin emi; mme etubom mme esien mbufo, ye mbiowo mbufo, ye mme andidaha mbufo, ye kpukpru mbio Israel,

DEUTERONOMY 29:2

Ndien Moses okot ofuri Israel edi, onyuŋ ɔdɔhɔ mmɔ, ete, Mbufo ekekut kpukpru se Jehovah akanamde Pharaoh, ye kpukpru ikɔt esie, ye ofuri isɔŋ esie, ke iso mbufo ke isɔŋ Egypt;

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:49

ye ofuri itihere Jordan ke edem Jordan oko ke edem usiaha-utin, tutu osim ke Inyaŋ Itihere, ke usuhɔre Pisgah.

DEUTERONOMY 4:5

Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

DEUTERONOMY 5:2

Jehovah Abasi nnyin akanam ediomi ye nnyin ke Horeb.

DEUTERONOMY 6:17

Mbufo etim enim mbet Jehovah Abasi mbufo, ye mme item esie, ye mme ewuhɔ esie, emi enye okowukde fi.

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,