DEUTERONOMY 4:6 - Edisana ñwed Abasi Ibom

⁶ Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.

DEUTERONOMY 4:6 ပူးပေါင်းရင်းမြစ်များ

1 NDIDEM 4:34

ye inuen, ye mme ɔnyɔni, ye iyak. Owo enyuŋ eto ke kpukpru mme idut edi ndikop ifiɔk Solomon, eto ke ɔtɔ kpukpru ndidem ererimbot eke ekekopde ebaŋa ifiɔk esie.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 19:7

Ido Jehovah efɔn ema, edemere ukpɔŋ; item Jehovah edi akpanikɔ, asian mme ɔkɔi.

ŊWED MME PSALM 19:8

Mme ewuhɔ Jehovah enen, edat owo esit; mbet Jehovah eyama, eŋwaŋa owo enyin.

MME ŊKE 1:4

Man enɔ ɔkɔi ɔniɔŋ, esin eyenɔwɔŋ ifiɔk ye nti ekikere.

MME ŊKE 1:5

Enyene-ibuot owo eyekop, onyuŋ ɔkɔrɔ ke se ekpepde; asian owo eyenyuŋ enyene ikike:

MME ŊKE 1:7

Uteŋe Jehovah edi akpan ifiɔk: mbon ndisime ese eti ibuot ye item ke ndek.

MME ŊKE 14:34

Nti ido efori obio: edi idiɔk ido esin obio enyene but.

MME ŊKE 14:8

Eti ibuot owo ifiɔk ɔdiɔŋɔ usuŋ esie: edi ebiɔ ndisime edi abiaŋa.

ISAIAH 42:21

Esit enem Jehovah abaŋa edinen ido esie; enye eyekpono mme ewuhɔ, onyuŋ ɔnɔ mmɔ ubɔŋ.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

EZEKIEL 5:5

Ntem ke Jehovah ɔdɔhɔ, ete, Emi edi Jerusalem: mma ndiɔk enye ke ufɔt mme idut, ndien mme obio ekan enye ekuk.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 4:9

O Belteshazzar, etubom mbon-ŋwed, emi ami mfiɔkde nte ke spirit edisana Abasi odu fi ke idem, baba ndibe ŋkpɔ kiet inyuŋ iyaŋake fi, dɔhɔ mi ŋkukut ndap mi emi ŋkokutde, ye nte enye ediwɔrɔde.

HOSEA 8:12

Ŋkewet ikpɔ ŋkpɔ ibet mi nnɔ enye: mmɔ ese mmɔ ke ŋkpɔ idut.

MALACHI 3:12

Ndien kpukpru mme idut eyenyuŋ ebat ete ke ɔfɔn ye mbufo: koro mbufo eyedi isɔŋ inemesit, Jehovah mme udim ɔdɔhɔ.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

DEUTERONOMY 32:46

ndien enye ɔdɔhɔ mmɔ, ete, Mbufo esin esit mbufo ke kpukpru ikɔ emi ami ntiŋde ke otu mbufo mfin emi, emi mbufo editemede nditɔ mbufo, man ekpeme ndinam kpukpru ikɔ mbet emi.

DEUTERONOMY 32:47

Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

2 ŊWED TIMOTHY 3:15

toto ke uyen afo ama ɔfiɔk Edisana Ŋwed Abasi, emi ekemede ndinam fi ɔwɔrɔ ɔniɔŋ ɔbɔ erinyaŋa ke eribuɔt idem ye Christ Jesus.

JAMES 3:13

Anie ke otu mbufo enyene eti ibuot onyuŋ edi ɔniɔŋ? Yak enye ada eti edu esie owut ubɔkutom esie ke suŋ-suŋ ido eti ibuot.