DEUTERONOMY 4:5 - Edisana ñwed Abasi Ibom

⁵ Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

DEUTERONOMY 4:5 ပူးပေါင်းရင်းမြစ်များ

ŊWED MME PSALM 71:17

O Abasi, afo ama eteme mi toto ŋkedi eyenɔwɔŋ: ndien nsiak mme utibe ŋkpɔ fo tutu osim ini emi.

EXODUS 18:20

nyuŋ teme mmɔ mme ewuhɔ esie ye mbet, nyuŋ sian mmɔ usuŋ eke mmɔ ekpesaŋde ke esit, ye utom eke mmɔ ekpenamde.

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

EZEKIEL 20:11

Nnyuŋ nnɔ mmɔ mme ewuhɔ mi; nnyuŋ ŋwut mmɔ mme item mi, emi owo ama anam mmɔ, owo eyedu uwem ke esit.

LEVITICUS 19:19

Mbufo enim mme ewuhɔ mi. Kuyak oruk ufene fo efen edoro oruk eken: kubuak uduot usuan ke iŋwaŋ fo: kunyuŋ usine mbuaha ɔfɔŋidem eke enamde ke linen ye idet erɔŋ.

LEVITICUS 26:46

Mme mmɔ emi edi mme ewuhɔ ye mme item, ye mbet, emi Jehovah okonimde ke ufɔt idem esie ye nditɔ Israel, ke obot Sinai, ke ubɔk Moses.

LEVITICUS 27:34

Mme mmɔ emi edi mme ewuhɔ emi Jehovah okowukde Moses, ɔnɔ nditɔ Israel ke obot Sinai.

LEVITICUS 7:38

emi Jehovah eketemede Moses ke obot Sinai, ke usen oro enye etemede nditɔ Israel ete eda enɔ mmɔ esɔk Jehovah ke wilderness Sinai.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

1 ŊWED CORINTH 11:28

Edi yak owo odomo idem esie ɔfiɔk, onyuŋ adia uyo, onyuŋ ɔŋwɔŋ cup ntre;

1 ŊWED CORINTH 15:3

Koro mma mmen se ŋkɔbɔde nyak nnɔ mbufo ke akpaitie, nte, Christ ama akpa abaŋa mme idiɔk-ŋkpɔ nnyin, nte asaŋade ekekem ye se ŋwed Abasi ɔdɔhɔde; enyuŋ ebuk Enye;

DEUTERONOMY 11:32

Mbufo ekpeme ndien, ndinim kpukpru mme ewuhɔ, ye mme item emi ami nnimde ke iso mbufo mfin emi.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.

DEUTERONOMY 4:4

Edi kpukpru mbufo emi ekeyirede ye Jehovah Abasi mbufo ededu uwem tutu osim mfin emi.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 7:11

Nim ndien mbet, ye mme ewuhɔ ye mme item, emi ami ntemede fi mfin emi, man afo anam mmɔ.

DEUTERONOMY 8:11

Tiŋ enyin mbak afo edifre Jehovah Abasi fo, ke eritre ndinim mbet esie, ye mme item esie, ye mme ewuhɔ esie emi ami ŋwukde fi mfin emi.

MME HEBREW 3:5

Ndien ke akpanikɔ Moses akanam akpanikɔ ke ofuri ufɔk Abasi nte asaŋutom, man enye edi ntiense mme ŋkpɔ eke editiŋde ke ukperedem;