DEUTERONOMY 4:39 - Edisana ñwed Abasi Ibom

³⁹ Ɔfɔn fi ɔfiɔk, ndien, mfin emi, onyuŋ ekere ke esit fo, ete ke Jehovah edi Abasi ke ata enyɔŋ, ye ke isɔŋ ke idak; efen iduhe.

DEUTERONOMY 4:39 ပူးပေါင်းရင်းမြစ်များ

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

1 CHRONICLES 17:20

O Jehovah, baba kiet ibietke fi, baba Abasi kiet iduhe ke mibɔhɔke afo, kpa nte kpukpru se nnyin ikopde ke utɔŋ nnyin, etiede.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

2 CHRONICLES 20:6

O Jehovah Abasi mme ete nnyin, nte idige afo edi Abasi ke enyɔŋ? Nte idige afo akara kpukpru mme idut ke ererimbot? Nte odudu ye nsɔŋ-idem iduhe fi ke ubɔk? Ndien baba owo kiet eke ekemde ubɔk ye afo iduhe.

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 115:3

Ŋkɔm Abasi nnyin ododu ke heaven: anam kpukpru se enye amade.

ŊWED MME PSALM 135:6

Jehovah akanam kpukpru se enye amade ke enyɔŋ, ye ke isɔŋ, ye ke mmɔŋ, ye ke kpukpru mme udem.

EXODUS 8:10

Ndien enye ete Moses, Mkpɔŋ. Ndien enye (Moses) ete, Yak edi ke uyo fo; man afo ɔfiɔk nte baba kiet mibietke Jehovah Abasi nnyin.

ISAIAH 1:3

Enaŋ ɔfiɔk andinyene enye, ass onyuŋ ɔfiɔk ebiet eke ete esie onimde udia ɔnɔ enye: Israel ifiɔkke, ikɔt mi ikereke.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 5:12

Harp, ye viol, ye ekɔmɔ, ye ifiom, ye wine, enyuŋ edu ke ikpɔ udia mmɔ: edi mmɔ itiŋke enyin ke utom Jehovah, inyuŋ isehe se ubɔk esie enamde.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

DEUTERONOMY 32:12

(kpa ntre ke) Jehovah ikpɔŋ-ikpɔŋ ada enye usuŋ, esen abasi inyuŋ iduhe ye enye.

DEUTERONOMY 32:29

Ema ekpenyene ibuot, mmɔ ekpetim efiɔk emi, ekpekere utit mmɔ!

DEUTERONOMY 4:35

Ema ewut fi, man afo ɔfiɔk ete ke Jehovah edi Abasi; efen iduhe idian ye enye.

DEUTERONOMY 6:4

O Israel, kop: Jehovah Abasi nnyin edi Jehovah kiet:

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

JOSHUA 2:11

Ndien ke adaŋemi nnyin ikekopde, nsia eyemere nnyin, mbufo inyuŋ iyakke aba owo ndomo kiet enyene uko; koro edi Jehovah Abasi mbufo edi Abasi ke ata enyɔŋ, ye isɔŋ ke idak.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.