DEUTERONOMY 4:37 - Edisana ñwed Abasi Ibom

³⁷ Ndien oto koro enye akamade mme usɔ, mmɔde enye emekde nditɔ mmɔ emi etienede mmɔ ke edem, onyuŋ adade akwa odudu esie osio fi ke Egypt ke iso esiemɔ:

DEUTERONOMY 4:37 ပူးပေါင်းရင်းမြစ်များ

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ŊWED MME PSALM 32:8

Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

ŊWED MME PSALM 34:15

Enyin Jehovah ese mbon eti ido, utɔŋ esie onyuŋ ɔbiɔŋɔ ɔnɔ eseme mmɔ.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

EXODUS 33:14

Ndien Enye ete, Iso mi eyeka, nyenyuŋ nnɔ fi nduɔk-odudu.

ISAIAH 43:4

Koro ŋkesede fi ke ŋkpɔ uto, afo emenyene ukpono, ami nnyuŋ mma fi: ndien nyenɔ owo ke ibuot fo, nyenɔ mme idut ke ibuot uwem fo.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

JEREMIAH 31:1

JEHOVAH ɔdɔhɔ, ete, Ke ini oro nyedi Abasi kpukpru ufɔk Israel, ndien mmɔ eyedi ikɔt mi.

JEREMIAH 31:3

Ke eyo oko Jehovah okowut mi idem, ete, Mmama fi nsinsi ima: mmɔdo mfɔnde ido ye afo mbigi.

MALACHI 1:2

Jehovah ɔdɔhɔ, ete, Mmama mbufo. Ndien mbufo edɔhɔ, ete, Didie ke afo ama nnyin? Jehovah ɔdɔhɔ ete, Nte Esau ikedige eyen eka Jacob?

NUMBERS 20:16

Ndien adaŋemi nnyin isemede inɔ Jehovah enye okop uyo nnyin, onyuŋ ɔdɔŋ angel okosio nnyin ke Egypt: ndien sese, nnyin idu ke Kadesh, ke obio emi anade ke adaŋa isɔŋ fo:

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

DEUTERONOMY 10:15

Edi mme usɔ ema enem Jehovah esit, enye onyuŋ ama mmɔ, ama onyuŋ emek mbufo ubon mmɔ emi etienede mmɔ edem, ke otu kpukpru obio, kpa nte edide mfin emi.

DEUTERONOMY 23:5

Edi Jehovah Abasi fo ikonyimeke ndikop nnɔ Balaam; edi Jehovah Abasi fo ama ɔkpuhɔre isuŋi esin ke eridiɔŋ ɔnɔ fi: koro Jehovah Abasi fo amade fi.

DEUTERONOMY 33:12

Enye ɔdɔhɔ abaŋa Benjamin, ete, Eyen ima Jehovah eyeduŋ ke ifure ye enye; Enye ofuk enye kpukpru ini, enye onyuŋ oduŋ ke ufɔt afara Esie.

DEUTERONOMY 33:3

Ŋkɔm enye amama mme idut; edisana ikɔt esie edu fi ke ubɔk: mmɔ enyuŋ esuhɔre etie fi ke ukot; mmɔ eyebɔ ikɔ fo.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.