DEUTERONOMY 4:36 - Edisana ñwed Abasi Ibom

³⁶ Enye eketie ke heaven anam fi okop uyo esie, man ekpep fi: enye onyuŋ owut fi akwa ikaŋ esie ke isɔŋ: afo ama onyuŋ okop ikɔ esie emi otode ke ufɔt ikaŋ.

DEUTERONOMY 4:36 ပူးပေါင်းရင်းမြစ်များ

NEHEMIAH 9:13

Afo onyuŋ ɔsuhɔre ke obot Sinai, eketie ke enyɔŋ eneme ye mmɔ, onyuŋ ɔnɔ mmɔ edinen ikpe, ye mbet akpanikɔ, ye nti ewuhɔ ye ido:

EXODUS 19:18

Ndien ofuri obot Sinai edi nsuŋikaŋ-nsuŋikaŋ; oto koro Jehovah etiede ke ikaŋ ɔsuhɔre ke esit: nsuŋikaŋ esie onyuŋ ɔwɔrɔ ɔdɔk nte nsuŋikaŋ furnace, ofuri obot onyuŋ enyek eti-eti.

EXODUS 19:19

Ekem ke uyo ukorowo ɔdiɔŋde ɔsɔŋ eti eti, Moses ɔdɔhɔ, ndien Abasi ada uyo ɔbɔrɔ enye.

EXODUS 19:9

Ndien Jehovah ɔdɔhɔ Moses, ete, Sese ami mmɔŋ ntiene fi ke obubit enyɔŋ, man kpukpru owo ekop ke ini ndidɔhɔde ye afo, enyuŋ enim uyo fo ke akpanikɔ ke nsinsi. Moses onyuŋ emen ikɔ kpukpru owo eketiŋ ɔnɔ Jehovah.

EXODUS 24:16

Ndien ubɔŋ Jehovah oduŋ ke obot Sinai, obubit enyɔŋ onyuŋ ofuk enye ke ofuri usen itiokiet: ndien ekem ke ɔyɔhɔ usen itiaba, Enye etie ke ufɔt obubit enyɔŋ okot Moses.

DEUTERONOMY 4:12

Ndien Jehovah etie ke esit ikaŋ ɔdɔhɔ ye mbufo: mbufo ekekop uyo ikɔ edi ikwe mbiet ŋkpɔ: ke mibɔhɔke uyo-uyo.

DEUTERONOMY 4:15

Mbufo etim ndien ekpeme idem mbufo eti-eti: koro mbufo mikekwe baba mbiet ŋkpɔ kiet ke usen oro Jehovah eketiede ke ufɔt ikaŋ oro ɔdɔhɔ ye mbufo ke Horeb:

DEUTERONOMY 4:33

Nte owo akananam okop uyo Abasi nte ɔdɔhɔde ke esit ikaŋ, kpa nte afo okokopde, ndien odu uwem?

DEUTERONOMY 8:5

Fiɔk ndien ke esit fo, ete ke nte owo ɔtunɔde eyen esiemɔ, kpa ntre ke Jehovah Abasi fo ɔtɔtunɔ fi.

MME HEBREW 12:18

Koro mbufo ikasaŋake ikpere se owo ekemede ndituk ke ubɔk, ye ikaŋ eke asakde, ye obubit enyɔŋ, ye ekim, ye oyobio, ye uyo ukorowo, ye uyo ikɔ;

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.