DEUTERONOMY 4:34 - Edisana ñwed Abasi Ibom

³⁴ Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 4:34 ပူးပေါင်းရင်းမြစ်များ

ŊWED MME PSALM 136:12

Ke ɔkpɔsɔŋ ita, ye ke edimenere ubɔk: koro ima esie odude ke nsinsi.

ŊWED MME PSALM 24:8

Anie edi edidem ubɔŋ emi? Jehovah ɔkpɔsɔŋ ye uko, Jehovah uko ke ekɔŋ.

ŊWED MME PSALM 78:12

Enye akanam mme utibe ŋkpɔ ke iso mme ete mmɔ, ke idut Egypt, ke isɔŋ Zoan.

EXODUS 1:9

Ndien enye ɔdɔhɔ ikɔt esiemɔ, ete, Sese, obio nditɔ Israel ke ewak enyuŋ esɔŋɔ ekan nnyin.

EXODUS 10:21

Ndien Jehovah ɔdɔhɔ Moses ete, Menere ubɔk fo ke enyɔŋ, ndien ekim eyefuk isɔŋ Egypt, ndien owo eyekeme ndifiɔŋɔ ubɔk ke ekim.

EXODUS 10:7

Ndien ikɔt Pharaoh edɔhɔ enye ete, Adaŋa didie ke owo emi edidi afia nnyin? Yak mbio oro eka, man ekenam ŋkpɔ enɔ Jehovah Abasi mmɔ: nte afo ufiɔkke kaŋa ete Egypt amatak?

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 14:30

Ntem ke Jehovah anyaŋa nditɔ Israel osio ke ubɔk nditɔ Egypt, ke usen oro; ndien Israel okut mme okpo nditɔ Egypt enade ke mben inyaŋ.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 19:4

Mbufo emekut se ŋkenamde Egypt, ye nte ŋkadade mba ntrukpom mmen mbufo ŋkama nnyuŋ nda mbufo ndi ke ebiet mi.

EXODUS 3:10

Di, ndien, nyedɔŋ fi utom ke ɔtɔ Pharaoh, man afo osio ikɔt mi, kpa nditɔ Israel, ke isɔŋ Egypt efep.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

EXODUS 7:3

Ndien ami nyenam esit Pharaoh ɔsɔŋ, nyenyuŋ nnam mme idiɔŋɔ mi ye mme utibe ŋkpɔ mi ewak ke isɔŋ Egypt.

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 32:21

onyuŋ ada ikɔt fo Israel ke isɔŋ Egypt ɔwɔrɔ, ke mme idiɔŋɔ, ye ke mme utibe ŋkpɔ, ye ke ɔkpɔsɔŋ ita, ye ke edimenere ubɔk, ye ke akwa ndik;

NUMBERS 20:16

Ndien adaŋemi nnyin isemede inɔ Jehovah enye okop uyo nnyin, onyuŋ ɔdɔŋ angel okosio nnyin ke Egypt: ndien sese, nnyin idu ke Kadesh, ke obio emi anade ke adaŋa isɔŋ fo:

DEUTERONOMY 1:30

Jehovah Abasi mbufo emi ebemde mbufo iso aka, edi enye edi ŋwana ekɔŋ inɔ mbufo, kpa nte enye akanamde kpukpru ŋkpɔ ɔnɔ mbufo ke Egypt ke iso mbufo;

DEUTERONOMY 10:21

Enye edi itoro fo, onyuŋ edi Abasi fo, emi akanamde ikpɔ ŋkpɔ ye ŋkpɔ ndik emi ye afo, nte enyin fo ema ekekut.

DEUTERONOMY 11:2

koro mendɔhɔke nditɔ mbufo emi mikɔfiɔkke, emi mikonyuŋ ikwe eritunɔ emi Jehovah Abasi mbufo ɔkɔtunɔde, ye ubom esie, ye ɔkpɔsɔŋ ubɔk esie,

DEUTERONOMY 26:8

ndien Jehovah ada ɔkpɔsɔŋ ubɔk, ye edimenere ubɔk, ye akamba ndik, ye mme idiɔŋɔ, ye utibe ŋkpɔ, osio nnyin ke Egypt;

DEUTERONOMY 29:3

ikpɔ idomo oro enyin fo ekekutde, mme idiɔŋɔ ye ikpɔ utibe ŋkpɔ oro:

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

DEUTERONOMY 34:12

ye ke ofuri nsɔŋubɔk oro, ye kpukpru akpakop ŋkpɔ ndik emi Moses akanamde ke iso ofuri Israel.

DEUTERONOMY 5:15

Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.

DEUTERONOMY 6:21

Nnyin ikedi ifin Pharaoh ke Egypt: ndien Jehovah ada ɔkpɔsɔŋ ubɔk osioŋo nnyin efep ke Egypt:

DEUTERONOMY 7:19

ikpɔ ndomo emi enyin fo okokutde, ye mme idiɔŋɔ, ye mme utibe ŋkpɔ, ye ɔkpɔsɔŋ ubɔk, ye edimenere ubɔk, emi Jehovah Abasi fo akadade osio fi; kpasuk ntre ke Jehovah Abasi fo edinam ye kpukpru mme idut emi ndik mmɔ edinamde fi.

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

JOSHUA 24:7

Ndien ke ini mmɔ esemede enɔ Jehovah, enye esin ekim ke ufɔt mbufo ye Egypt, onyuŋ anam inyaŋ edifuk mmɔ; enyin mbufo ema ekut se ŋkanamde ke Egypt: ndien mbufo ema enyuŋ eduŋ ke wilderness ediwak usen.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.