DEUTERONOMY 4:33 - Edisana ñwed Abasi Ibom

³³ Nte owo akananam okop uyo Abasi nte ɔdɔhɔde ke esit ikaŋ, kpa nte afo okokopde, ndien odu uwem?

DEUTERONOMY 4:33 ပူးပေါင်းရင်းမြစ်များ

EXODUS 20:22

Ndien Jehovah ɔdɔhɔ Moses, ete, Ntem ke afo edidɔhɔ nditɔ Israel, ete, Mbufo emekut nte ami ntiede ke enyɔŋ ndɔhɔ ye mbufo.

EXODUS 24:11

Ndien Enye imenke ubɔk esie ituk ikpɔ owo ufɔk Israel: mmɔ enyuŋ ekut Abasi, enyuŋ edia ŋkpɔ enyuŋ eŋwɔŋ.

EXODUS 33:20

Ndien enye ɔdɔhɔ ete, Afo ukemeke ndikut mi iso: koro owo ndomo kiet mikwe mi iso idu uwem.

DEUTERONOMY 4:36

Enye eketie ke heaven anam fi okop uyo esie, man ekpep fi: enye onyuŋ owut fi akwa ikaŋ esie ke isɔŋ: afo ama onyuŋ okop ikɔ esie emi otode ke ufɔt ikaŋ.

DEUTERONOMY 5:22

Jehovah etie ke obot ke ufɔt ikaŋ ye nsuŋikaŋ, ye ekim, etiŋ ikɔ emi ɔnɔ ofuri esop mbufo ke ɔkpɔsɔŋ uyo: inyuŋ idianke efen. Ndien enye ewet mmɔ esin ke itiat-ŋwed iba, ada mmɔ ɔnɔ mi.

DEUTERONOMY 5:24

ndien mbufo edɔhɔ, ete, Sese, Jehovah Abasi nnyin ama owut nnyin ubɔŋ esiemɔ, ye akwa ubom esiemɔ, nnyin ima inyuŋ ikop uyo esie emi okotode ke esit ikaŋ: nnyin inyuŋ ikut mfin emi nte Abasi ɔdɔhɔde ikɔ ye owo, ndien owo odu uwem

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

DEUTERONOMY 5:4

Jehovah etie ke obot oro ke ufɔt ikaŋ, ɔdɔhɔ ikɔ ye mbufo iso ye iso

DEUTERONOMY 9:10

ndien Jehovah ɔnɔ mi itiat-ŋwed iba emi nnuen-ubɔk Abasi ekewetde; ndien kpukpru ikɔ oro Jehovah eketiede ke ufɔt ikaŋ ɔdɔhɔ ye mbufo ke usen esop oro, edu mmɔ ke esit.

JUDGES 6:22

Ndien adaŋemi Gideon okutde ke enye edi angel Jehovah, Gideon ɔdɔhɔ ete, Ahah! Ɔbɔŋ Jehovah! ami mmokut angel Jehovah iso ye iso.