DEUTERONOMY 4:32 - Edisana ñwed Abasi Ibom

³² Mbɔk, kam bup ini eset, emi ekebemde fi iso, tɔtɔŋɔ ke usen oro Abasi okobotde owo ke ererimbot, nyuŋ tɔŋɔ ke utit enyɔŋ kiet, tutu osim ke utit eken, mme oruk akamba ŋkpɔ emi ama osu, mme ekam esikokop ebaŋa oruk ŋkpɔ emi?

DEUTERONOMY 4:32 ပူးပေါင်းရင်းမြစ်များ

GENESIS 1:27

Ntem ke Abasi obot owo esin ke mbiet esiemɔ, ke mbiet Abasi ke obot enye; eren ye ŋwan ke obot mmɔ.

2 SAMUEL 7:23

Ndien ewe idut kiet ke ererimbot ebiet ikɔt fo Israel, emi Abasi akakade ndifak nnim ke ikɔt esiemɔ, nnyuŋ nnam enyiŋ ke idemesie, nnyuŋ nnam ikpɔ ŋkpɔ nnɔ mbufo, ye ŋkpɔ ndik nnɔ isɔŋ fo ke iso ikɔt fo, emi afo akafakde ke Egypt (ɔbɔ) mme idut ye mme abasi mmɔ, osio ɔnɔ idemfo?

ŊWED JOB 8:8

Kam bup, ndien, emana oko, nyuŋ nim ibuot ke se mme ete mmɔ ekeyararede:

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

EXODUS 34:10

Ndien Enye ɔdɔhɔ ete, Sese, ami mmɔŋ ndiomi ediomi: ke iso kpukpru oruk fo ke ndinam mme utibe ŋkpɔ, eke akanam minamke ke ofuri ererimbot, akanam minyuŋ inamke ke baba idut kiet: ndien kpukpru owo emi afo odude ke otu mmɔ, eyekut se Jehovah edinamde: koro se ndinamde ye afo edide ŋkpɔ ndik.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

JOEL 1:2

Mbufo mbiowo ekop uyo mi, mbufo kpukpru mme andiduŋ isɔŋ ekpaŋ utɔŋ ŋko-ŋko. Nte oruk ŋkpɔ nte emi okodu ke eyo mbufo, ye ke eyo mme ete mbufo?

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

MARK 13:27

Ndien Enye eyesio mme angel ɔdɔŋ editaŋ ndimek ikɔt Esie eto ke ikpehe ofim mbinaŋ ebon ɔtɔ kiet, ɔtɔŋɔde ke ata utit isɔŋ tutu osim ata utit ikpa-enyɔŋ.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 30:4

Edieke owo mbufo ekededi eke ebinde efep, odude ke utit enyɔŋ, do ke Jehovah Abasi fo editaŋ fi, do ke enye edinyuŋ ada fi edi:

DEUTERONOMY 32:7

Ti mme usen eset, mbufo ekere isua eyo oko: bup usɔ, ndien enye eyetiŋ ɔnɔ fi; bup mbiowo fo, ndien mmɔ eyedɔhɔ fi.

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

DEUTERONOMY 4:7

Koro ewe akamba idut odu emi abasi esie ekperede enye, nte Jehovah Abasi nnyin, ke kpukpru se nnyin iseseme inɔ enye?