DEUTERONOMY 4:31 - Edisana ñwed Abasi Ibom

³¹ koro Jehovah Abasi fo edide Abasi mbɔm; enye idikpɔŋke fi, idinyuŋ isoboke fi, idinyuŋ ifreke ediomi mme usɔ emi enye ɔkɔŋwɔŋɔde ɔnɔ mmɔ.

DEUTERONOMY 4:31 ပူးပေါင်းရင်းမြစ်များ

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED MME PSALM 103:8

Jehovah emenyene esit mbɔm ye mfɔnido, isɔpke iyaresit, ndien awak ima.

ŊWED MME PSALM 105:8

Enye eti ediomi esie ke nsinsi, ikɔ emi enye owukde ke tɔsin emana.

ŊWED MME PSALM 111:4

Enye anam owo eti mme utibe ŋkpɔ esiemɔ: Jehovah ɔfɔn ido, onyuŋ enyene esit mbɔm.

ŊWED MME PSALM 111:5

Enye ada udia ɔnɔ mmɔ eke ebakde enye: eyeti ediomi esie ke nsinsi.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 116:5

Jehovah ɔfɔn ido, onyuŋ enen; Abasi nnyin onyuŋ enyene esit mbɔm.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

LEVITICUS 26:42

nyeti ndien ediomi mi emi ŋkodiomide ye Jacob, nyenyuŋ nti ediomi mi emi ŋkodiomide ye isaac, ye ediomi mi emi ŋkodiomide ye Abraham; nyenyuŋ nti isɔŋ oro.

LEVITICUS 26:44

Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

LEVITICUS 26:45

Ndien nyeti ediomi mme ete mmɔ mbaŋa mmɔ, Koro ŋkosiode mmɔ ke isɔŋ Egypt ke iso mme idut, kpaŋ ŋkpedi Abasi mmɔ: Ami ndi Jehovah.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

LUKE 1:72

Nditua mme ete nnyin mbɔm, Ndinyuŋ nti edisana ediomi Esie,

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

DEUTERONOMY 31:8

Onyuŋ edi Jehovah ebem fi iso asaŋa; enye eyedu ye afo, idikpɔŋke fi, idinyuŋ iduɔkke fi: kufehe ndik, kunyuŋ uyomo nsia.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.