DEUTERONOMY 4:28 - Edisana ñwed Abasi Ibom

²⁸ Ndien do ke mbufo edikpono mme abasi emi ubɔk owo anamde, eto ye itiat, emi mikwe usuŋ, minyuŋ ikopke uyo, minyuŋ idiaha ŋkpɔ, minyuŋ ikopke utebe.

DEUTERONOMY 4:28 ပူးပေါင်းရင်းမြစ်များ

2 NDIDEM 17:40

Ndien mmɔ ikopke, edi enam kpa ido mmɔ.

ISAIAH 26:14

Mmɔ eke ekpaŋade ididuhe uwem: mmɔ eke edide ekpo idisetke: mmɔdo afo ɔnɔde mmɔ ufen, onyuŋ asuande mmɔ, onyuŋ osobode kpukpru se edade eti mmɔ.

ISAIAH 44:11

Sese, but eyenam kpukpru mme nsaŋa esie, mbon-usɔ ke idem mmɔ enyuŋ eto ke owo: kpukpru mmɔ eyesop idem, etuak eda, edikhe, but eyenam mmɔ akpaimɔ.

ISAIAH 44:12

Odom-utim anam ŋkpɔ-usɔ: onyuŋ anam enye ke ukaŋ; onyuŋ obot enye ke hammer, onyuŋ anam enye ke ubɔk odudu esie. Biɔŋ onyuŋ ɔdɔŋ enye, ndien enye isɔŋɔke idem: iŋwɔŋke mmɔŋ, ndien akpa mba.

ISAIAH 44:9

Kpukpru mmɔ eke esɔide mbiet edi ikpikpu; ŋkpɔ inemesit mmɔ idinyuŋ idoroke udori; ndien ntiense mmɔ kpa idem mmɔ idikwe, idinyuŋ ifiɔkke, man but anam mmɔ.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

JEREMIAH 10:3

Koro mme ewuhɔ mme idut edide oburobut: koro edide eto, owo ekpi enye osio ke akai, utom ubɔk owo usɔ ye ekuri.

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

JEREMIAH 10:9

Eda silver eke edomde efere ke Tarshish edi, eda gold ke Uphaz, utom owo usɔ, ye eke ubɔk anditara, edi: edisine-ŋkpɔ mmɔ awawa ye purple: kpukpru mmɔ edi se mme ɔfiɔkŋkpɔ owo enamde.

JEREMIAH 16:13

mmɔdo nyesioŋo mbufo ke isɔŋ emi mfep, nda nduɔk ke isɔŋ eke mbufo ye mme ete mbufo mikɔfiɔkke; ndien do ke mbufo edinam ŋkpɔ abasi efen ke uwemeyo ye ke okoneyo, eke mendifɔnke ye mbufo baba.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

EZEKIEL 20:39

Ndien ama edi mbufo, ufɔk Israel, ntem ke Ɔbɔŋ Jehovah ɔdɔhɔ, ete, Mbufo kpukpru eka ekenam ŋkpɔ mme ibɔk mbufo ye ke ini iso, ke baba owo mbufo kiet mikopke uyo mi: mbufo ekunyuŋ esabare aba edisana enyiŋ mi ke enɔ mbufo, ye ibɔk mbufo.

UTOM MME APOSTLE 19:26

Mbufo emenyuŋ ekut enyuŋ ekop ete, idige ke Ephesus ikpɔŋ-ikpɔŋ, edi ayak esisit ke ofuri Asia nde, Paul emi ama ada ndutiŋ esie oduri ediwak owo ada, ekpep ete mme abasi, eke owo anamde ke ubɔk, idige Abasi.

UTOM MME APOSTLE 7:42

Edi Abasi ɔwɔŋɔre ɔkpɔŋ mmɔ, onyuŋ asana mmɔ ayak ete, enam ŋkpɔ enɔ udim enyɔŋ: kpa nte ewetde ke ŋwed mme prophet, ete, Nte mbufo ekeda unam eke ewotde ye uwa esɔk Mi Ke isua aba ke desert, O ufɔk Israel?

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 29:17

mbufo ema enyuŋ ekut mbubiam ŋkpɔ mmɔ, ye mbiet ŋkpɔ mmɔ, kpa eke eto itiat, ye eke silver, ye gold, emi edude ke otu mmɔ:

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.