DEUTERONOMY 4:11 - Edisana ñwed Abasi Ibom

¹¹ Ndien mbufo esaŋa ekpere eketuak eda ke usuhɔre obot; ndien obot oro asak ikaŋ, osim ufɔt ikpa-enyɔŋ, ekim, obubit enyɔŋ, ye ata Ɔkpɔsɔŋ ekim enyuŋ edu.

DEUTERONOMY 4:11 ပူးပေါင်းရင်းမြစ်များ

2 SAMUEL 22:10

Ndien enye onuk ikpa-enyɔŋ, ɔsuhɔre; ɔkpɔsɔŋ ekim onyuŋ odu enye ke idak ukot.

1 NDIDEM 19:12

Ndien ke unyek-isɔŋ ama ekebe, ikaŋ edi; edi Jehovah iduhe ke ikaŋ oro: ndien ke ikaŋ ama ekebe, suŋ-suŋ ekpri uyo edi.

ŊWED MME PSALM 18:11

Enye onim ekim ke ebiet udibe esie; tent esie emi akande enye okuk, edi obubit mmɔŋ ye idiɔk ikpa-enyɔŋ.

ŊWED MME PSALM 97:2

Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

EXODUS 19:9

Ndien Jehovah ɔdɔhɔ Moses, ete, Sese ami mmɔŋ ntiene fi ke obubit enyɔŋ, man kpukpru owo ekop ke ini ndidɔhɔde ye afo, enyuŋ enim uyo fo ke akpanikɔ ke nsinsi. Moses onyuŋ emen ikɔ kpukpru owo eketiŋ ɔnɔ Jehovah.

DEUTERONOMY 4:12

Ndien Jehovah etie ke esit ikaŋ ɔdɔhɔ ye mbufo: mbufo ekekop uyo ikɔ edi ikwe mbiet ŋkpɔ: ke mibɔhɔke uyo-uyo.

DEUTERONOMY 5:23

Edikem ke mbufo ekopde uyo emi otode ke ekim (koro obot asakde ikaŋ), ndien mbufo kpa kpukpru mme etubom mme esien mbufo, ye mbiowo mbufo, esaŋa ekpere mi;