DEUTERONOMY 33:9 - Edisana ñwed Abasi Ibom

⁹ emi ɔdɔhɔde abaŋa ete esie ye eka esie, ete, Nsehe enye; minyuŋ idiɔŋɔke nditɔ-eka esie, minyuŋ ifiɔkke nditɔ esiemɔ: koro mmɔ ekpemede ikɔ Fo, enyuŋ enimde ediomi Fo.

DEUTERONOMY 33:9 ပူးပေါင်းရင်းမြစ်များ

GENESIS 29:32

edi ada. Ndien Leah oyomo onyuŋ aman eyen-eren; ndien osio enye enyiŋ Reuben; koro enye ɔdɔhɔde ete, Jehovah emese ukut mi; oto oro ebe mi eyema

1 CHRONICLES 17:17

Ndien, O Abasi, afo ese emi ke ekpri ŋkpɔ; afo onyuŋ etiŋ abaŋa ufɔk owo fo tutu osim anyan ini onyuŋ ese mi nte udim owo eke esaŋade edɔk, O Jehovah Abasi.

ŊWED JOB 37:24

Oro esin owo ebak enye: enye isehe baba owo mmɔ kiet eke enyenede eti ibuot.

ŊWED MME PSALM 119:57

O Jehovah, udeme mi, ndɔhɔ nte ke ndinim ikɔ fo.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

LEVITICUS 10:6

Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde.

LEVITICUS 21:11

okunyuŋ aka ke ɔtɔ eke okpo ekededi odude, okunyuŋ asabare idem esie abaŋa ete esie, ye eka esie:

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

MATTHEW 12:48

Edi Enye ɔbɔrɔ owo emi ɔdɔhɔde ntem ye Enye, ete, Anie edi eka Mi? mme anie enyuŋ edi nditɔ-eka Mi?

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

LUKE 14:26

Edieke owo etienede Mi, ndien misuaha ete esie, ye eka esie, ye ŋwan esie, ye nditɔ esie, ye nditɔ-eka esie iren, ye nditɔ-eka esie iban, ye uwem esie ŋko, enye ikemeke ndidi owo mbet Mi.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

1 ŊWED THESSALONICA 2:4

edi nte Abasi okodomode nyin ɔfiɔk, ete nyin imodot nte Imɔ ikpayakde gospel isin nnyin ke ubɔk, ntem ke nnyin itiŋ; itiŋke man inem owo esit, edi ndinem Abasi emi odomode esit nnyin ese.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.