DEUTERONOMY 32:6 - Edisana ñwed Abasi Ibom

⁶ Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

DEUTERONOMY 32:6 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

ŊWED JOB 10:8

Edi ubɔk fo okotim obot mi, onyuŋ anam ofuri idem mi akan okuk; ndien afo oyom ndisobo mi.

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 116:12

Ndinam didie nnɔ Jehovah usiene kpukpru mfɔnido emi enye ɔfɔnde ye ami?

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 74:18

Ti emi, usua ke esuene, O Jehovah; mbon ndisime esin enyiŋ fo ke ndek.

ŊWED MME PSALM 74:2

Ti mbon esop fo, emi afo ekedepde ke eset; afo akafak esien udeme fo, obot Zion emi afo oduŋde ke esit.

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.

EXODUS 15:16

Ndik ye mbɔribɔ eyefuk mmɔ: akwa ubɔk fo eyesin mmɔ edobo nte itiat, tutu ikɔt fo, O Jehovah, ebe; tutu ikɔt emi afo edepde ebe.

EXODUS 4:22

Ndien afo edidɔhɔ Pharaoh, ete, Ntem ke Jehovah ɔdɔhɔ, ete, Israel edi eyen mi, ye akpan mi:

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

HOSEA 13:13

Ubiak aŋwan uman omotuk enye: enye edi eyen eke ananade ibuot; koro ekemde ke ini, idibigike: nditɔ ke eyom ndiwɔrɔ.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

JOHN 8:41

Mbufo enanam ubɔk-utom ete mbufo. Mmɔ ete Enye, Nnyin idige nditɔ akpara: nnyin inyene ete kiet kpɔt kpa Abasi.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

ŊWED MBON GALATIA 3:26

Koro kpukpru mbufo edi nditɔ Abasi oto ke mbuɔtidem mbufo ke Christ Jesus.

ŊWED MBON GALATIA 4:6

Ndien sia mbufo edide nditɔ, Abasi ama ɔdɔŋ Spirit Eyen Esie edidu nnyin ke esit ete, ikot Enye ite, Abba Ete.

DEUTERONOMY 1:31

ye ke wilderness emi afo okokutde nte Jehovah Abasi fo akamade fi, kpa nte owo akamade eyen esiemɔ, ke ofuri usuŋ emi mbufo esaŋade, tutu mbufo edisim ke ebiet emi.

DEUTERONOMY 14:1

MBUFO edi nditɔ Jehovah Abasi mbufo: ekukpeŋe idem mbufo, ekunyuŋ enam ibɔ ke ufɔt enyin mbufo, ebaŋa akpa-mkpa,

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 32:18

Afo utihe Akwa Itiat emi okobonde fi, onyuŋ efre Abasi emi okobotde fi.

DEUTERONOMY 32:28

Koro mmɔ edide idut unana ibuot, asian inyuŋ iduhe ke otu mmɔ.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.