DEUTERONOMY 32:47 - Edisana ñwed Abasi Ibom

⁴⁷ Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

DEUTERONOMY 32:47 ပူးပေါင်းရင်းမြစ်များ

MME ŊKE 3:18

Enye edi eto uwem mmɔ eke emumde enye ekama: onyuŋ ɔfɔn ye mmɔ eke efatde enye.

MME ŊKE 3:22

Ndien mmɔ eyekabare edi uwem ukpɔŋ fo, ye mbana itɔŋ fo.

MME ŊKE 4:13

Sɔŋɔ mum item kama, kuyak: nim enye; koro enye edide uwem fo.

MME ŊKE 4:22

Koro mmɔ edide uwem mmɔ eke ekutde mmɔ, ye se iŋwaŋade mmɔ ofuri idem.

ISAIAH 45:19

Ŋkɔdɔhɔke ke ndibe ebiet, ke ŋkim-ŋkim ebiet isɔŋ: ndɔhɔke ubon Jacob, nte, Mbufo eyom mi ikpikpu: ami Jehovah ndɔhɔ akpanikɔ, ntiŋ se inende.

LEVITICUS 18:5

Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.

AMOS 5:4

Koro ntem ke Jehovah ɔdɔhɔ ufɔk Israel, ete, Mbufo etiene mi, enyuŋ edu uwem:

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

UTOM MME APOSTLE 7:38

Enye edi owo oro asaŋade ye angel emi ekenemede nneme ye enye ke Obot Sinai odu ke esop ke desert ye mme ete nnyin: enye onyuŋ ɔbɔ mme odu-uwem ikɔ ɔsɔk nnyin:

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 31:13

man nditɔ mmɔ emi mikɔfiɔkke, ekop ŋko-ŋko, enyuŋ ekpep ndibak Jehovah Abasi mbufo, ke adaŋa ofuri ini eke mbufo edidude ke isɔŋ emi mbufo eyomde ndibe ŋka do ŋkada enye nnyene.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 4:6

Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

1ŊWED TIMOTHY 4:8

Koro erisin idem mbet ŋkpɔ ikpɔhidem enyene esisit udori; edi uteŋe Abasi ɔwɔrɔ udori ke kpukpru usuŋ, koro uŋwɔŋɔ uwem emi odude ke emi ye eke uwem emi edidide asaŋade ye enye.

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.