DEUTERONOMY 32:4 - Edisana ñwed Abasi Ibom

⁴ Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

DEUTERONOMY 32:4 ပူးပေါင်းရင်းမြစ်များ

GENESIS 1:31

Ndien Abasi okut kpukpru se enye akanamde, ndien, sese efɔn eti eti. Ndien mbubreyo ye usenubɔk edi ɔyɔhɔ usen itiokiet.

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

2 SAMUEL 22:47

Jehovah odudu uwem; yak enyuŋ ekɔm akwa itiat mi; enyuŋ etoro Abasi itiat erinyaŋa mi.

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

NEHEMIAH 9:8

afo okonyuŋ okut ete ke esit esie enyene akpanikɔ ke iso fo, afo onyuŋ odiomi ediomi ye enye, ete eyeda isɔŋ mme Canaanite, ye eke mme Hittite, ye eke mme Amorite, ye eke mme Perizzite, ye eke mme Jebusite, ye eke mme Girgashite, ete eyeda enye ɔnɔ ubon esie afo ama onyuŋ anam ke uyo fo ŋko; koro afo enende:

ŊWED JOB 34:10

Mbufo mbon eti-ibuot, ekop ndien uyo mi. Nsa Abasi, enye idiɔkke. Nsa Abasi Ibom, enye inamke ukwaŋ-ŋkpɔ.

ŊWED JOB 35:14

(Inyuŋ isehe) emi afo ɔdɔhɔde, ete, Usehe enye; ikpe ana enye ke iso: bet enye, ndien.

ŊWED JOB 36:23

Anie owo eteme enye usuŋ esie? Anie onyuŋ ekeme ndidɔhɔ, ete,

ŊWED JOB 8:3

Nte Ata Ɔkpɔsɔŋ akwaŋa se inende?

ŊWED MME PSALM 100:5

Koro Jehovah ɔmɔfɔn; ima esie ebigi ke nsinsi; akpanikɔ esie onyuŋ ebigi ke ofuri emana.

ŊWED MME PSALM 138:8

Jehovah eyema ŋkpɔ ɔnɔ mi: O Jehovah, ima fo odu ke nsinsi: kukpɔŋ se ubɔk fo anamde.

ŊWED MME PSALM 145:17

Jehovah emenen ke kpukpru usuŋ esie, onyuŋ ɔfɔn ido ke kpukpru se enye anamde.

ŊWED MME PSALM 146:6

emi akanamde enyɔŋ, ye isɔŋ, inyaŋ, ye kpukpru se idude mmɔ ke esit: emi onimde akpanikɔ ke nsinsi:

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 18:46

Jehovah ododu uwem: yak enyuŋ etoro akwa itiat mi; Abasi erinyaŋa mi eyenyuŋ okoŋ.

ŊWED MME PSALM 19:7

Ido Jehovah efɔn ema, edemere ukpɔŋ; item Jehovah edi akpanikɔ, asian mme ɔkɔi.

ŊWED MME PSALM 31:5

Nyeda spirit mi nsin fi ke ubɔk: Jehovah Abasi akpanikɔ, afo amafak mi.

ŊWED MME PSALM 33:4

Koro uyo Jehovah enende; ndien kpukpru se enye anamde edi akpanikɔ.

ŊWED MME PSALM 78:35

ndien mmɔ ekabare, enyuŋ ebak eyom Abasi, enyuŋ eti ete ke Abasi edi akwa itiat mmɔ ke onyuŋ edi Abasi Ata Edikoŋ anyaŋa mmɔ.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

ŊWED MME PSALM 90:16

Da se afo anamde wut ikɔt fo; nyuŋ wut nditɔ mmɔ uyai fo.

ŊWED MME PSALM 92:15

Man ewut ete ke Jehovah enenen: enye edi akwa itiat mi, ndien ukwaŋ-ŋkpɔ iduhe enye ke esit.

ŊWED MME PSALM 97:2

Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

ECCLESIASTES 3:14

Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 25:1

JEHOVAH, afo edi Abasi mi, nyekpono fi, nyetoro enyiŋ fo; koro afo anamde mme utibe ŋkpɔ; kpa uduak eyo oko, ata akpan akpanikɔ.

ISAIAH 26:4

Mbufo ebuɔt idem ye Jehovah ke nsinsi; koro Jah Jehovah edide nsinsi itiat:

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

HABAKKUK 1:13

Afo amasana enyin akan nte okutde idiɔk, unyuŋ ukemeke ndise utuk: nsinam afo esede mbon abiaŋa, onyuŋ odopde uyo ke ini idiɔk owo osobode owo eke enende akan enye;

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 5:22

Ete inyuŋ ikpehe ikpe baba owo kiet, edi akayak kpukpru eribiere-ikpe esin Eyen ke ubɔk,

ŊWED MBON ROME 1:32

Okposuk edi nte mmɔ efiɔkde ewuhɔ Abasi, ete mme andinam oruk ŋkpɔ emi edot mkpa, mmɔ enam mme ido emi ke idem mmɔ, enyuŋ edara mmɔ emi enamde.

ŊWED MBON ROME 2:2

Edi nnyin imɔfiɔk ite ubiere-ikpe Abasi asaŋa ekekem ye akpanikɔ obiom mmɔ emi enamde oruk ŋkpɔ emi.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ŊWED MBON ROME 3:5

Edi edieke mme ukwaŋkpɔ nnyin eyararede edinen ido Abasi ewut, nso ke nyin ididɔhɔ? Nte Abasi ɔdiɔk ndinam ke ini Enye adade iyat esit amia owo ufen? (ntetiŋ nte owo). Idige ntre.

1 ŊWED CORINTH 10:4

koro mmɔ ekeŋwɔŋ mmɔŋ eke otode ke itiat eke spirit, emi akasasaŋa ye mmɔ; ndien itiat oro ekedi Christ.

DEUTERONOMY 10:18

emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 32:18

Afo utihe Akwa Itiat emi okobonde fi, onyuŋ efre Abasi emi okobotde fi.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

JAMES 4:12

Ɔnɔ-ibet ye ebiere-ikpe kiet kpɔt odu, kpa Enye emi ekemede ndinyaŋa nnyuŋ nsobo: ama edi afo, afo edi anie eke ekpede mbuɔhiduŋ fo?

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.