DEUTERONOMY 32:28 - Edisana ñwed Abasi Ibom

²⁸ Koro mmɔ edide idut unana ibuot, asian inyuŋ iduhe ke otu mmɔ.

DEUTERONOMY 32:28 ပူးပေါင်းရင်းမြစ်များ

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

MME ŊKE 1:7

Uteŋe Jehovah edi akpan ifiɔk: mbon ndisime ese eti ibuot ye item ke ndek.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

ŊWED MBON ROME 11:25

Koro nyomke mbufo enana ifiɔk, nditɔ-ete, ebaŋa ndibe ŋkpɔ emi, ete nsɔŋ okomum Israel ubak-ubak, tutu uyɔhɔ ibat mme Gentile eduk edi, mbak mbufo edise idem mbufo ke mme ɔfiɔk-ŋkpɔ owo:

1 ŊWED CORINTH 3:19

Koro ifiɔk ererimbot emi edi ndisime ke iso Abasi. Koro ewet ete, Enye omum mme enyene-ibuot owo ke ŋkari mmɔ;

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.