DEUTERONOMY 32:25 - Edisana ñwed Abasi Ibom

²⁵ Ofut ke aŋwa, ye ndik ke ubet etera mkparawa ye nditɔ-iban, eyen-nsek, ye owo eke otibede iwat.

DEUTERONOMY 32:25 ပူးပေါင်းရင်းမြစ်များ

2 NDIDEM 7:5

Ndien mmɔ edaha ke enyɔŋ ke mfuŋ-mfuŋ mbubreyo, eka ke nna-ekɔŋ Syria: ndien adaŋemi mmɔ esimde utit nna Syria, sese, baba owo kiet iduhe do.

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

ISAIAH 30:16

Ndien mbufo ekedɔhɔ, ete, Ih ih, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.

JEREMIAH 44:7

Ndien kemi ntem ke Jehovah Abasi mme udim Abasi Israel ɔdɔhɔ, ete, Mbufo enam didie enam akamba idiɔk-ŋkpɔ etuk idem mbufo, ke esibe mbufo eren ye ŋwan, eyenɔwɔŋ ye eyen nsek efep ke Judah, ekusuhɔ baba nsuhɔ enɔ idem mbufo?

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 9:21

Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

ŊWED ESEME 4:4

Nsat-itɔŋ anam edeme eyen nsek adiana enye ke nsiŋ: nditɔ-ɔwɔŋ eyom uyo; owo eke obuŋde ɔnɔ mmɔ iduhe.

EZEKIEL 7:15

Ofut odu ke esien, udɔŋɔ ye biɔŋ enyuŋ edu ke esit ufɔk: owo eke odude ke iŋwaŋ eyekpa ke ofut; biɔŋ ye idiɔk udɔŋɔ eyenyuŋ eta mmɔ eke edude ke obio.

HOSEA 11:6

Ndien eyefuŋ ofut ke mme obio mmɔ, ndien enye eyebiat eto-usuŋ mmɔ, onyuŋ ata mmɔ abaŋa uduak mmɔ.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

HOSEA 9:16

Emeyibi Ephraim: oruŋ mmɔ amasat, mmɔ idiŋwumke mfri: okposuk edi nte mmɔ ekemande idem nditɔ, nyewot edima mfri idibi mmɔ.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

MICAH 6:14

Afo eyedia ŋkpɔ, edi uyuhɔke; esit eyenyuŋ ɔduɔ fi: afo ekpemen ŋkpɔ efep, udunimke mmɔ ke ifure; ndien nyeda se afo anyaŋade nyak nnɔ ofut.

2 ŊWED CORINTH 7:5

Koro kpa ke ini nnyin isimde Macedonia, ikopde nduɔk-odudu ke obukidem; efefik nnyin ke kpukpru ŋkan; eŋwan odu nnyin ke edem, ndik odu nnyin ke esit.