DEUTERONOMY 32:21 - Edisana ñwed Abasi Ibom

²¹ Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.

DEUTERONOMY 32:21 ပူးပေါင်းရင်းမြစ်များ

1 NDIDEM 14:22

Judah enyuŋ enam idiɔk ke iso Jehovah enyuŋ esin enye ofibe ufup akan kpukpru se mme ete mmɔ ekenamde, ke idiɔk ido mmɔ eke mmɔ ekenamde.

1 NDIDEM 14:9

edi ama anam idiɔk akan kpukpru owo emi ekebemde fi iso edu ama onyuŋ aka akanam abasi eŋwen, ye editara mbiet, onyuŋ ayat mi esit, onyuŋ emen mi ɔduɔk ke edem fo.

1 NDIDEM 16:13

ɔdɔhɔ abaŋa Baasha; ke abaŋa kpukpru mme idiɔk ido Baasha, ye mme idiɔk ido Elah eyen esie, emi mmɔ ekenamde, enyuŋ edade esin Israel ediɔk, enyuŋ eyat Jehovah Abasi Israel esit, ke ndisime ido mmɔ.

1 NDIDEM 16:26

Koro enye asaŋade ke ofuri usuŋ Jeroboam eyen Nebat, ye ke idiɔk ido esie oro enye akadade esin Israel ediɔk, ke ayat Jehovah Abasi Israel esit ke ndisime ido mmɔ.

2 NDIDEM 17:11

do ke mmɔ enyuŋ efɔp incense ke kpukpru edikoŋ ebiet, kpa nte mme idut oro Jehovah akataŋde ke iso mmɔ efep; mmɔ enyuŋ enam oburobut ido, enyuŋ eyat Jehovah esit:

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

2 NDIDEM 21:6

Enye onyuŋ anam eyen esie ebe oduk ke ikaŋ, onyuŋ ebre idiɔŋ ikpa-enyɔŋ, ye idiɔŋ urukikɔt, onyuŋ onim mme ebre-idiɔŋ ekpo, ye mme ɔfiɔkŋpɔ owo: enye awak ndinam se idiɔkde ke iso Jehovah, onyuŋ ayat enye esit,

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

ŊWED MME PSALM 31:6

Mmasua mmɔ eke etiŋde se idide ikpikpu ye nsu: ndien mbuɔt idem mi ye Jehovah.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

ISAIAH 65:3

mbio emi eyatde mi esit aŋwa-aŋwa kpukpru ini; eke ewade uwa ke iŋwaŋ-esa, enyuŋ efɔpde incense ke mme brick:

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 2:11

Nte idut ama ɔkpuhɔ mme abasi (mmɔ) eke midige Abasi? Edi ikɔt mi emeda se midoroke udori ekpuhɔ ubɔŋ mmɔ.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

JEREMIAH 7:18

Nditɔwɔŋ etaŋ ifia, mme ete enyuŋ ebara ikaŋ, iban enyuŋ ebuen ndom-uyo, man enam mfefere uyo enɔ ɔbɔŋ aŋwan enyɔŋ, enyuŋ enwaŋa ediŋwɔŋ uwa enɔ abasi efen, enyuŋ eyat mi esit. Jehovah ɔdɔhɔ, ete, Nte edi ami ke mmɔ eyat?

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

EZEKIEL 8:3

Enye onyuŋ anyan se ibietde ubɔk, omum mi ke idet ibuot mi: ndien spirit emenere mi esin ke ufɔt isɔŋ ye enyɔŋ, onyuŋ ada mi ke ŋkukut Abasi edi ke Jerusalem, ke inua-otop esit-esit usuŋ emi esede edere, emi mbiet ufup emi esinde efibe ufup odude do.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

JONAH 2:8

Mmɔ eke enimde nsu-nsu ye ikpikpu ŋkpɔ eduɔk mfɔn mmɔ.

UTOM MME APOSTLE 11:15

Edi nte ntɔŋɔde nditiŋ ikɔ, Edisana Spirit ɔsuhɔre odoro mmɔ ke idem, kpa nte okodorode nnyin ke akpa.

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

ŊWED MBON ROME 10:19

Mmonyuŋ ndɔhɔ nte, Nte Israel ikɔfiɔkke? Moses ebem iso ɔdɔhɔ ete, Nyeda se midige idut nsin mbufo efibe ufup; Nyeda idut eke minyeneke ibuot nyat mbufo esit.

ŊWED MBON ROME 9:25

Nte emi Enye ɔdɔhɔde ke ŋwed Hosea ŋko, ete, Nyekot mmɔ emi mikedige ikɔt Mi, nte, ikɔt Mi, Nyenyuŋ ŋkot enye emi mikedige ŋkpɔ ima, nte edima ŋwan;

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?

DEUTERONOMY 32:16

Mmɔ eda isen abasi esin enye ofibe ufup, eyat enye esit ke mbubiam ŋkpɔ mmɔ.

DEUTERONOMY 32:17

Mmɔ ewa uwa enɔ ekpo, eke midige Abasi: abasi eke mmɔ mikefiɔkke, mbufa abasi eke etode edi ke idahemi eke mme ete mbufo mikebakke.

1 SAMUEL 12:21

koro ekpebinede ikpikpu ŋkpɔ eke midoroke minyuŋ inyaŋake; koro mmɔ edide ikpikpu ŋkpɔ.