DEUTERONOMY 32:20 - Edisana ñwed Abasi Ibom

²⁰ Ndien enye ɔdɔhɔ ete, Nyedip mmɔ iso mi, nyekut nte utit mmɔ editiede: koro mmɔ edide ndisime emana, nditɔ eke akpanikɔ miduhe mmɔ ke esit.

DEUTERONOMY 32:20 ပူးပေါင်းရင်းမြစ်များ

2 NDIDEM 17:18

Ndien Jehovah ayat esit ye Israel eti-eti, ndien enye emen mmɔ ke iso esie efep; isuhɔke baba kiet ke mibɔhɔke esien Judah ikpɔŋ-ikpɔŋ.

2 NDIDEM 17:20

Ndien Jehovah ɔduɔk ofuri ubon Israel, onyuŋ otuk mmɔ, onyuŋ esin mmɔ ke ubɔk mbon ŋwo, tutu enye emen mmɔ ke iso esie ɔduɔk.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

ŊWED JOB 13:24

Nsinam afo odipde iso fo, onyuŋ abatde mi ke usua fo?

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

ISAIAH 7:9

Ndien Samaria edi ibuot Ephraim, eyen Remaliah onyuŋ edi ibuot Samaria. Ke mbufo mibuɔtke idem, ŋkɔm idiberike mbufo.

JEREMIAH 18:17

Nyesuan mmɔ ke iso mme asua, nte ke ofum ikɔrabak; nyewut mmɔ edem, ŋwutke iso, ke usen nnanenyin mmɔ.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

MATTHEW 17:17

Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

LUKE 18:8

Ndɔhɔ mbufo nte, Enye eyewara osio usiene ɔnɔ mmɔ. Edi ke adaŋemi Eyen Owo edidide, nte Enye eyekut mbuɔtidem ke isɔŋ?

DEUTERONOMY 31:29

Koro mmɔfiɔk, adaŋemi ndikpade mbufo eyekabare edi ata idiɔk, enyuŋ ewɔŋɔre ekpɔŋ usuŋ emi ŋtemede mbufo; ndien idiɔk ŋkpɔ eyesim mbufo ke ini iso: koro mbufo edinamde idiɔk ido ke iso Jehovah, ke eyat enye esit ke utom ubɔk fo.

DEUTERONOMY 32:5

Enye (Israel) amakabare ɔdiɔk ye enye, ndo mmɔ idige eke nditɔ esie: ke edi emana itun ye ukwaŋ.

DEUTERONOMY 9:23

Ndien ke ini Jehovah ɔdɔŋde mbufo, ete mbufo ewɔŋɔ ke Kadesh-barnea, edɔk eka ekeda isɔŋ emi nnɔde mbufo, mbufo eneni uyo Jehovah Abasi mbufo, inyuŋ inimke uyo esie ke akpanikɔ, inyuŋ ikopke uyo esie.

2 ŊWED THESSALONICA 3:2

enyuŋ ebeŋe ete, enyaŋa nnyin esio ke ubɔk mme idiɔk owo, eke esaŋade ke ukwaŋ ekikere esit mmɔ: koro idige kpukpru owo enyene mbuɔtidem.

MME HEBREW 11:6

edi ke mbuɔtidem miduhe, owo ikemeke ndinem Abasi esit; koro owo eke asaŋade ekpere Abasi enyene ndinim ete Enye odudu, onyuŋ edi Andinɔ mmɔ emi eyomde Enye utip.

JOSHUA 23:10

Owo mbufo kiet eyebine tɔsin: koro edi Jehovah Abasi mbufo aŋwana ekɔŋ ɔnɔ mbufo, kpa nte enye ɔkɔdɔhɔde mbufo.