DEUTERONOMY 31:9 - Edisana ñwed Abasi Ibom

⁹ Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

DEUTERONOMY 31:9 ပူးပေါင်းရင်းမြစ်များ

1 NDIDEM 8:3

Ndien adaŋoro kpukpru mbiowo Israel edide, mme oku emen ekebe.

2 NDIDEM 17:37

Ndien mbufo etim enim mme ewuhɔ, ye ido, ye item, ye ibet, emi enye ewetde ɔnɔ mbufo, kpukpru ini; ekunyuŋ ebak mme abasi efen.

1 CHRONICLES 15:2

Ndien David ɔdɔhɔ, ete, Owo okubiom ekebe Abasi, ke mibɔhɔke mme Levite: koro mmɔ ke Jehovah ekemek ndibiom ekebe Abasi, ndinyuŋ nnam ŋkpɔ esie ke nsinsi.

NEHEMIAH 8:2

Ndien Ezra oku ada ŋwed mbet edi ke iso esop iren-owo ye iban, ye eke kpukpru owo eke enyenede ibuot ndikop, ke akpa usen ɔyɔhɔ ɔfiɔŋ itiaba.

NEHEMIAH 8:3

Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

EXODUS 24:4

Ndien Moses ewet kpukpru ikɔ Jehovah, onyuŋ abak edemere ke usenubɔk, anam itie-uwa ke ukot obot, ye ndaha duopeba, ekem ke mme esien Israel duopeba.

DANIEL 9:13

kpa nte emi ekewetde ke ŋwed mbet Moses, ofuri idiɔk-ŋkpɔ emi omosim nnyin. Edi nnyin ikekpehe Jehovah Abasi nnyin ubɔk, inyuŋ ikpɔŋke mme idiɔk ido nnyin ifiak edem, inyuŋ itimke ifiɔk akpanikɔ fo.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MALACHI 4:4

Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

NUMBERS 33:2

Ndien Moses ewet ebiet emi mmɔ edaŋade isaŋ mmɔ, ke uyo Jehovah: ndien mme mmɔ emi edi ebiet emi mmɔ edaŋade isaŋ mmɔ ke esit.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

NUMBERS 4:5

Ndien ke ini ewuhɔrede nna, yak Aaron ye nditɔ esie edi, edisuhɔre ukara emi okuide, eda enye efuk ekebe ntiense:

NUMBERS 4:6

ndien eda ufuhɔ-ŋkpɔ ikpa badger efuk enye, enyuŋ eda awawa ɔfɔŋ ebri enye ke enyɔŋ, ndien esin eto esie.

MARK 12:19

Andikpep, Moses ekewet ɔnɔ nnyin ete, Edieke eyen-ete owo akpade ɔkpɔŋ ŋwan, edi mibonke eyen, yak owo oro emen ŋwan eyen-ete esie ɔdɔ, onyuŋ asiak ubon ɔnɔ eyen-ete esie.

LUKE 20:28

ndien mmɔ ebup Enye ete, Andikpep, Moses ekewet ɔnɔ nnyin ete, Edieke eyen-ete owo ɔdɔde ŋwan onyuŋ akpade, ndien minyeneke eyen, owo oro eyeda ŋwan eyenete ɔdɔ, onyuŋ asiak ubon ɔnɔ eyen-ete esie.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

JOHN 1:45

Philip okut Nathanael, onyuŋ ɔdɔhɔ enye ete, Nnyin imokut Enye, emi Moses ekewetde abaŋa Enye ke ibet, mme prophet ekonyuŋ ewetde ebaŋa, kpa Jesus eyen Joseph, emi otode ke Nazareth.

JOHN 5:46

Koro edieke mbufo ekponimde Moses ke akpanikɔ, mbufo ekponim Mi ke akpanikɔ koro enye ekewetde abaŋa Mi.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 17:18

Ndien ama ekem ke adaŋemi enye editiede ke ebekpo ubɔŋ esie, yak enye akaŋa ŋwed-ibet emi ke idem esie esin ke ŋwed efen, asaŋa ye ŋwed emi odude ke iso mme oku, mme Levite:

DEUTERONOMY 31:28

Mbufo ebon kpukpru mbiowo mme esien mbufo, ye mme andidaha owo mbufo, enɔ mi, ndien nyetiŋ ikɔ emi nsin mmɔ ke utɔŋ, nnyuŋ ŋwuk enyɔŋ ye isɔŋ nte edi ntiense ye mmɔ.

DEUTERONOMY 33:10

Mmɔ eyeteme Jacob mme item fo, enyuŋ eteme Israel mbet fo: eyenim incense ke iso fo, enim ofuri edifɔp uwa ke itie-uwa fo.

JOSHUA 3:3

ndien mmɔ ewuk kpukpru owo, ete, Ke adaŋemi mbufo ekutde ekebe ediomi Jehovah Abasi mbufo, ye nte mme oku, mme Levite, ebiomde enye, ndien mbufo edaŋa ke ebiet mbufo, enyuŋ esaŋa enye ke edem:

JOSHUA 6:12

Ekem Joshua abak ke usen-ubɔk adaha ke enyɔŋ, mme oku enyuŋ ebiom ekebe Jehovah.