DEUTERONOMY 31:3 - Edisana ñwed Abasi Ibom

³ Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.

DEUTERONOMY 31:3 ပူးပေါင်းရင်းမြစ်များ

GENESIS 48:21

Ndien Israel ɔdɔhɔ Joseph, ete, Sese ami mmɔŋ ŋkpa; edi Abasi eyedu ye mbufo, eyenyuŋ ada mbufo afiak aka ke isɔŋ mme ete

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

DEUTERONOMY 1:30

Jehovah Abasi mbufo emi ebemde mbufo iso aka, edi enye edi ŋwana ekɔŋ inɔ mbufo, kpa nte enye akanamde kpukpru ŋkpɔ ɔnɔ mbufo ke Egypt ke iso mbufo;

DEUTERONOMY 3:28

Nyuŋ teme Joshua, nyuŋ sɔŋ enye esit, nyuŋ sɔŋ enye idem: koro edi enye edibe mbon emi iso, onyuŋ edi enye edida isɔŋ emi afo edikutde edeme ɔnɔ mmɔ.

DEUTERONOMY 31:14

Ndien Jehovah ɔdɔhɔ Moses, ete, Sese usen mkpa fo emekpere: kot Joshua edi, ndien mbufo edi edida ke efe esop, man nteme enye ŋkpɔ. Ndien Moses ye Joshua eka ekeda ke efe esop.

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

DEUTERONOMY 31:4

Ndien Jehovah eyenam mmɔ, kpa nte enye akanamde Sihon ye Og, mbɔŋ mme Amorite, ye isɔŋ mmɔ, emi enye okosobode.

DEUTERONOMY 34:9

Ndien spirit ɔniɔŋ ɔyɔhɔ Joshua eyen Nun ke idem: koro Moses akadade ubɔk esie odori enye ke idem: ndien nditɔ Israel ekop uyo esie, enyuŋ enam kpa nte Jehovah eketemede Moses.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

MME HEBREW 4:8

Koro edieke Joshua ɔkɔnɔde mmɔ nduɔk-odudu, Abasi ikpetiŋke aba ibaŋa usen efen.

JOSHUA 1:2

daha ke enyɔŋ, ndien, be Jordan emi, afo, ye kpukpru mbio emi, koduk ke isɔŋ emi ami nnɔde mmɔ, kpa nditɔ Israel.

JOSHUA 11:15

Kpa nte Jehovah eketemede Moses owo esie, ntre ke Moses onyuŋ eteme Joshua, kpa ntre ŋko ke Joshua onyuŋ anam; enye ikpɔŋke baba ŋkpɔ kiet ke kpukpru se Jehovah eketemede Moses.

JOSHUA 3:7

Ekem Jehovah ɔdɔhɔ Joshua, ete, Mfin emi ami nyetɔŋɔ ndikpono fi ke iso ofuri Israel, man mmɔ efiɔk ete ke ndidu ye afo,

JOSHUA 4:14

Ke usen oro Jehovah okpono Joshua ke iso ofuri Israel; ndien mmɔ eteŋe enye, nte eketeŋede Moses, ofuri ini uwem esie.