DEUTERONOMY 31:12 - Edisana ñwed Abasi Ibom

¹² Bon kpukpru owo ɔtɔ kiet, iren-owo ye iban, ye nditɔwɔŋ, ye esen owo fo emi odude ke obio fo, man mmɔ ekop, man mmɔ enyuŋ ekpep, enyuŋ ebak Jehovah Abasi mbufo, enyuŋ ekpeme ndinim kpukpru ikɔ mbet emi:

DEUTERONOMY 31:12 ပူးပေါင်းရင်းမြစ်များ

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

LEVITICUS 9:5

Ndien mmɔ eda se Moses ɔkɔdɔhɔde edi ke iso efe esop:

HAGGAI 1:12

Ndien Zerubbabel eyen Shealtiel, ye Joshua eyen Jehozadak, akamba oku, ye kpukpru owo eke esuhɔde, ekop uyo Jehovah Abasi mmɔ, ye ikɔ Haggai prophet, kpa nte Jehovah Abasi mmɔ ɔkɔdɔŋde enye utom, ndien kpukpru owo efehe ndik ke iso Jehovah.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

DEUTERONOMY 29:29

Ndibe-ndibe ŋkpɔ enyene Jehovah Abasi nnyin: edi ɔkpɔ emi ayarade enyene nnyin ye nditɔ nnyin ke nsinsi, man nnyin inam kpukpru ikɔ mbet emi.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

DEUTERONOMY 31:13

man nditɔ mmɔ emi mikɔfiɔkke, ekop ŋko-ŋko, enyuŋ ekpep ndibak Jehovah Abasi mbufo, ke adaŋa ofuri ini eke mbufo edidude ke isɔŋ emi mbufo eyomde ndibe ŋka do ŋkada enye nnyene.

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.

JOSHUA 8:33

Ndien ofuri Israel, ye mbiowo mmɔ, ye ndidaha, ye mme ekpe-ikpe mmɔ, eda ke edem ekebe emi, ye ke edem eken, ke iso mme oku mme Levite, emi ebiomde ekebe ediomi Jehovah, ye esen owo, ye amana ke otu mmɔ; ubak mmɔ kiet ekem ye obot Gerizim, ubak mmɔ eken enyuŋ ekem ye obot Ebal; kpa nte Moses owo Jehovah ekebemde iso owuk, ete mmɔ ediɔŋ nditɔ Israel.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.