DEUTERONOMY 30:5 - Edisana ñwed Abasi Ibom

⁵ ndien Jehovah Abasi fo eyeda fi edi ke isɔŋ emi mme usɔ ekenyenede, afo ŋko eyeda enye enyene; ndien enye eyefɔn ye afo, onyuŋ anam fi awak akan mme usɔ.

DEUTERONOMY 30:5 ပူးပေါင်းရင်းမြစ်များ

ŊWED MME PSALM 119:68

Afo ɔmɔfɔn, onyuŋ ɔfɔn ido; kpep mi mme ewuhɔ fo.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

EZEKIEL 36:11

nyenyuŋ nnam owo ye ufene ewak ke enyɔŋ mbufo; ndien mmɔ eyewak enyuŋ etɔt: nnyuŋ nyak mbufo edaŋ kpa nte ke eyo oko, nnyuŋ mfɔn ido ye mbufo ŋkan nte ŋkɔfɔnde ke eritɔŋɔ mbufo: ndien mbufo eyefiɔk ete ke ami ndi Jehovah.

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

NUMBERS 10:29

Ekem Moses ɔdɔhɔ Hobab, eyen Reuel Midianite, ukot Moses, ete, Nnyin imɔŋ isaŋa ika ebiet emi Jehovah ɔkɔdɔhɔde, ete, Nyeda enye nnɔ mbufo: saŋa ye nnyin, ndien nnyin iyefɔn ye afo: koro Jehovah ɔmɔdɔhɔ se ifɔnde abaŋa Israel.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.