DEUTERONOMY 30:4 - Edisana ñwed Abasi Ibom

⁴ Edieke owo mbufo ekededi eke ebinde efep, odude ke utit enyɔŋ, do ke Jehovah Abasi fo editaŋ fi, do ke enye edinyuŋ ada fi edi:

DEUTERONOMY 30:4 ပူးပေါင်းရင်းမြစ်များ

1 NDIDEM 8:34

afo tie ndien ke enyɔŋ kop, nyuŋ dahado ke idiɔk-ŋkpɔ ikɔt fo Israel, nyuŋ da mmɔ fiak ke isɔŋ emi afo ɔkɔnɔde mme ete mmɔ.

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

ISAIAH 43:6

nyedɔhɔ edem edere, nte, Yak nɔ: nyedɔhɔ usuk, nte, Kubaha: da nditɔ-iren mi ke anyan idut di, ye nditɔ-iban mi ke utit ererimbot;

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

JEREMIAH 8:3

Ndien kpukpru mmɔ efen eke edisuhɔde ke idiɔk ubon emi, eyemek mkpa ekan uwem ke kpukpru ebiet eke ndibinde mmɔ eke esuhɔde nsin do: uyo Jehovah mme udim edi emi.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

MARK 13:27

Ndien Enye eyesio mme angel ɔdɔŋ editaŋ ndimek ikɔt Esie eto ke ikpehe ofim mbinaŋ ebon ɔtɔ kiet, ɔtɔŋɔde ke ata utit isɔŋ tutu osim ata utit ikpa-enyɔŋ.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.